Назар аударыңыз, қар көшкіні!

ШҚО ТЖД метеорологиялық және қар көшкіні жағдайының өзгеруіне, қар түрінде жауын-шашынның түсуіне және желдің күшеюіне байланысты, Шығыс Қазақстан облысының таулы аудандарында қар көшкінінің өздігінен түсуі мүмкін екендігін  ескертеді. Көшкін қаупі 2022 жылғы 05 - 09 наурыз аралығында сақталады.

Автожолдардың бойындағы мына 20 ошақ аса қауіпті болып табылады:" Өскемен - Самар"," Өскемен-Зырян"," Өскемен - Таулы Үлбі-Северное"," Катонқарағай – Согорное - Барлық (Печи)"," Катонқарағай-Рахман қайнары", Алтай ауданының" Зубовская " Тауы.

ШҚО ТЖД мынаны  ұсынады:

- маршрутқа шыққанда ауа райы болжамын ескеріңіз. Тауға қар жауғанда, боран мен дауыл кезінде шығуға болмайды;

- жалғыз және тәуліктің қараңғы уақытында жорыққа шықпаңыз. Маршрут пен жоспарлар туралы жақындарыңызға, құтқарушыларға міндетті түрде хабарлаңыз.

Қар көшкіні кезінде қалай әрекет ету керек:
- жартастың, ағаштың артына тығылуға тырысыңыз, жерге жатыңыз, басыңызды қолыңызбен қорғаңыз, киім арқылы дем алыңыз;

- көшкінге түсіп, бетінде қалу үшін жүзу қозғалысын жасаңыз;
- қарға батқан  кезде тізеңізді ішке қарай тартыңыз, көшкіннің тоқтауын күтіңіз, жоғарғы-төменгі жағын анықтаңыз және шығуға тырысыңыз. Төтенше жағдай кезінде 112 нөміріне хабарласыңыз.