Қыс басталғаннан бері ШҚО-да 55 рет қар көшкіні жасанды түрде жүргізілген

         Шығыс Қазақстанда көшкін қаупі бар жағдайға байланысты "Қазселденқорғау" ШҚ филиалы мен ШҚО ТЖД мамандары көшкіндердің алдын алу шараларын жүргізуде. "Өскемен-Самар» автожолында 95-102 км, 132-137 километрде жарылыс жұмыстары жүргізіліп, нәтижесінде 61040 текше метр қар түсірілді. Өңірде барлығы 55 рет қар көшкіні қолдан жасалып, 45900 текше метр қар түскен. 

Қар көшкіні, егер жаңбыр қардың бетіне түссе, сондай-ақ қар жауған кезде ауа температурасы бір бағытта немесе басқа бағытта өзгерсе немесе төбелердегі қатты боран қарды үрлеп тастаған кезде қозғала бастайды. Күн жылуы қар кристалдарын ерітіп, оны нәзік етеді.

"Алдын алу іс-шаралары төтенше жағдайлардың туындауын болдырмауға және күн сайын көптеген автотехника өтетін автожолды қорғауға бағытталған. "Осы күндері қар көшкіні жинақталатын жерлерде қар көп жиналды. Әзірге облыста көшкін қаупі сақталуда. Жақын күндері қауіпті беткейлерде профилактикалық жұмыстарды жалғастырамыз", - деді Қазселденқорғау ШҚ филиалының басшысы Омар Дүзгімбаев.

         ШҚО ТЖД құтқарушылары мен "Қазселденқорғау" ШҚ филиалының мамандары азаматтарға тауға барудан бас тартып, аймақтағы көшкін қаупі бар учаскелерде өте сақ болуды ұсынады.