Алтай қаласындағы өрт кезінде ер адам құтқарылды

Алтай қаласының өрт сөндірушілеріне Бочарников көшесіндегі 5 қабатты үйдің пәтеріндегі өрт туралы хабарлама келіп түсті

Қырағы көршілер 1934 жылы туған қарт адам тұрған бірінші қабаттағы пәтерден шыққан түтінді байқап, бұл туралы бірден хабарлаған. Бірнеше минут ішінде туысы Максим Юрьевич Холщевников келді, есікті қосалқы кілтпен ашып, түтінге толы тұрғын үйге батылдықпен жүгіріп кіріп атасын баспалдаққа шығарды. Осы сәтте құтқарушылар келіп, зардап шегушіні подъезден мұқият алып шығып жедел жәрдем дәрігерлеріне табыстады. Қауіпсіздік мақсатында 5 тұрғын эвакуацияланды.

Өрт сөндірушілер жалпы ауданы 1,5 ш.м. жанып жатқан кереуетті сөндіріп, пәтерде түтін жою жұмыстарын жүргізді.

Оқиғаның себебін анықтау кезінде өрттің электр жылытқышының қысқа тұйықталуынан болғаны анықталды, нәтижесінде зардап шеккен адамның қолы мен басын күйік шалған.

ШҚО ТЖД азаматтарға қауіпсіздік ережелерін ескертеді:

- іске қосылған электр құралдарын қараусыз қалдырмаңыз;

- бір розеткаға бірнеше электр құралдарын қоспаңыз;

- электр сымдары мен электр аспаптарының жарамдылығын бақылаңыз;

- пәтерде (үйде), әсіресе төсекте, әсіресе мас күйінде темекі шекпеңіз.

Өрт кезінде 101 немесе 112 нөмірлері бойынша хабарлау қажет.