Құтқарушылар өртті сөндіру кезінде 2 газ баллонын шығарды

 20 қаңтарда Глубокое ауданының Бобровка ауылында жеке тұрғын үйде өрт шықты. Өрт сөндіру бөлімшелері келген сәтте шатырдың ағаш конструкциялары, төбе жабындары, еден, терезе, есік блоктары, жиһаздар, жеке заттар ашық жалынмен қамтылған еді. Қатты түтінделген үйден құтқарушылар 2 газ баллонын шығарды. Өрттің алдын ала себебі - жылыту пештерін орнату және пайдалану кезінде өрт қауіпсіздігі талаптарын сақтамау.

Барлығы ШҚО ТЖД құтқарушылары жылыту кезеңінің басынан бастап 295 000 астам үйді аралап, өрт қауіпсіздігі ережелерін сақтау бойынша 517335 азаматпен түсіндіру әңгімелері мен нұсқаулықтар өткізді. Сондай-ақ, жалғыз басты қарт азаматтар, мүгедектер мен көп балалы отбасылар тұратын әлеуметтік осал отбасыларда улы газ датчиктерін орнату жүргізілді.

 ШҚО ТЖД өрттің алдын алу үшін мынаны ұсынады:

- тұрғын үй-жайда ашық отты қолданбаңыз;

- үйден шыққанда электр құралдарын қосулы қалдырмаңыз;

- үйлер мен пәтерлерде алғашқы өрт сөндіру құралдары болсын.

Тұрмыста өрт қауіпсіздігінің қарапайым ережелерін сақтау жану ошағының пайда болуын болдырмауға, тұрғындардың өмірін қорғауға, сондай-ақ әкімшілік жауапкершіліктен құтқаруға мүмкіндік береді.

      Өрт болған жағдайда 101 немесе 112 нөмірі бойынша хабарлаңыз.

ШҚО ТЖД улы газбен уланудың  қалай алдын алу туралы ескертеді:

 Тек жұмыс істейтін пеш жабдықтарын пайдаланыңыз.

Пеш қалауларындағы жарықтар, бітелген түтін ауыр зардаптарға әкелуі мүмкін.

 Жақсы желдету туралы алдын ала ойластырыңыз.

Жылуды үнемдеуге тырысатын көптеген тұрғындар, әдетте, көмір жанып кетті деп ойлап, құбырға жылудың шығуы бекер деп, пештің жапқышын жабады. Алайда, көміртегі тотығы жиі бөлмеге жылумен кіреді. Сондықтан, ешқандай жағдайда жапқыштарды жаппаңыз.

Төтенше жағдай кезінде 112 нөмірі бойынша хабарлаңыз.