Су тасқынына қазірден бастап дайындалудамыз
Шығыс Қазақстанда облыс әкімі Даниал Ахметовтың төралағымен кеңейтілген аппараттық кеңес өтті.
ШҚО ТЖД бастығы Ерлан Нұрпейісов өзінің сөз сөйлеуінде аймақтағы жағдай туралы айтып берді «Қыс кезеңінің басынан бастап Шығыс Қазақстан облысы аумағында 41 рет дауылдың алдын алу жарияланып, нәтижесінде облыстың жолдары 64 рет жабылып, автомобиль көліктерінің қозғалыстарына шектеу енгізілді. Облыс жолдарында қар көшкіннің өздігінен түсуіне жол бермеу мақсатында, Қазселденқорғау филиалы 25 алдын алу жарылысын жүргізіп, 19860 шаршы метр қар түсірді және аудандар мен қалалардың әкімдері елдімекеннің тыс жерлеріне қарды шығаруды ұйымдастырды, шығарылған қардың жалпы көлемі 130000 аса шаршы метрді құрады»,-деп айтты.
Су тасқынына сақадай дайын болу үшін, қазірден бастап жергілікті атқарушы органдары мен «Қазгидромет» РМК және ШҚО ТЖД мамандары қар жамылғысының мөлшері мен топырақтың қату тереңдігіне мониторинг жүргізуде. Қадағалау және өткен жылдардағы деректермен салыстыру авариялық қызметтерді дайындыққа келтіру үшін көктемгі су тасқыны кезеңіндегі тәуекелдерді болжауға көмектеседі.
«Қазгидромет» РМК филиалының ақпараты бойынша 2022 жылғы 10 қаңтардағы жағдай бойынша топырақтың қату тереңдігі 50 см-ден астам облыстың 8 ауданында байқалады: Бесқарағай, Катонқарағай, Тарбағатай, Көкпекті, Бородулиха, Ұлан ,Зайсан және Абай. Облыстың қалған бөлігінде топырақтың қату тереңдігі 6-дан (Глубокое ауданы) 49 см-ге дейін (Өскемен қаласы) құрайды. Сонымен қатар, осы аудандардағы қар жамылғысының орташа биіктігі 30 см-ден аспайды. Қардың ең көп мөлшері Алтай ауданында (70 см), ең азы Курчатов қаласында болды.
Естеріңізге сала кетейік, Шығыс Қазақстан облысында көп жылдық синоптикалық болжам бойынша облыс өзендеріндегі су тасқыны әдетте наурыздың екінші онкүндігінен басталып, маусымның екінші онкүндігінің ортасына дейін жалғасады.Өзендердегі су деңгейінің көтерілу қарқындылығы және көлбеу ағындардың пайда болуы ауа температурасының күрт көтерілуіне және жаңбыр түрінде жауын-шашынға байланысты артуы мүмкін.
Қауіпті жағдайлар жыл сайын су айдындарының жанында заңсыз құрылысы бар аудандарда қалыптасады. Су көтерілгеннен кейін ғимараттар су астында қалады, бұл су қоймаларының жанында рұқсат беру рәсімдерінсіз салынған адамдарға материалдық шығын әкеледі.
Шығыс Қазақстанда 2021 жылы елді мекендерді су басудан қорғауды күшейту үшін жол картасы шеңберінде жалпы сомасы 162 млн.теңгеге 11 іс-шара іске асырылды. Тарбағатай, Зайсан, Катонқарағай, Глубокое, Бесқарағай аудандарында және Алтай ауданында қорғау бөгеттеріне ағымдағы жөндеу және нығайту жұмыстары жүргізілді.
Бұл ретте ШҚО ТЖД тұрғындарға көктемгі кезеңге алдын ала дайындалуды ұсынады:
- аула аумағын қардан тазарту жұмыстарын уақытылы жүргізу;
- су ағып өтетін құбырлар мен арықтарды бітемеу;
инертті материалды дайындау.