Қалай азаматтық қорғау органдарының қызметкері болуға болады?

Азаматтық қорғау органдарына алғаш рет кіретін адамдар үшін бастапқы кәсіптік даярлыққа іріктеу тәртібі және оны өту шарттары, сондай-ақ оларды бастапқы кәсіптік даярлықтан шығару негіздері:

Қазақстан Республикасы Төтенше жағдайлар министрлігі Шығыс Қазақстан облысы Төтенше жағдайлар департаментінің кадр қызметіне (Өскемен қаласы) қажетті құжаттарды тапсырған Қазақстан Республикасының азаматы іріктеуге қатысу үшін кандидат болып табылады.

Жалпы біліктілік талаптары: Білімі орта, арнаулы орта, жасы 35-тен аспаған, Қорғаныс министрлігінің мамандандырылған ұйымдарында әскери қызмет өткерген немесе әскери оқытылған резервті даярлау жөніндегі әскери даярлықтан өткен, сондай-ақ Қазақстан Республикасының заңнамасына сәйкес мерзімді әскери қызметке шақырудан босатылған немесе кейінге қалдырылған азаматтар.

Қызмет атқарудың артықшылықтары:

- қызмет өтілі мен арнаулы атағына байланысты лауазымдық жалақы мөлшерінің ұлғаюымен тұрақты және уақтылы жалақы;

- сауықтыруға, мансаптық өсуге арналған жәрдемақылар;

- арнаулы атағына байланысты 48 жастан бастап зейнетке шығу (ішкі істер органдарында кемінде 12 жыл 6 ай үздіксіз еңбек сіңірген кезде).

Құжаттарды қабылдау орны: Шығыс Қазақстан облысы, Өскемен қаласы, Протозанов көшесі, 97/1, анықтама телефоны: 8 (7232) 25-07-94.

Семей қаласы, Дулатов көшесі, 137.