Қауіпті метеорологиялық құбылыс

Жел шатырға әсер ететін табиғи құбылыстардың бірі болып табылады және оларды кез-келген құрылымды салу кезінде ескеру қажет. Семей өңірі қатты желге ұшырайды (Қазгидромет филиалының деректері бойынша Семей қаласында желдің ең жоғары жылдамдығы 28 м / с құрады), нәтижесінде, статистикаға сәйкес, жыл сайын тұрғын үй және әлеуметтік-мәдени ғимараттардың шатырлары мен төсеніштері бұзылып, электр желілерінің үзілістері орын алады, бұл халықтың өмір сүру жағдайларының бұзылуына және айтарлықтай материалдық шығындарға әкеледі, кейбір жағдайларда, өкінішке орай, адам өліміне себеп болады.

Осылайша, 2020 жылы шатырдың бұзылуына байланысты 2 төтенше жағдай тіркелді. 2020 жылдың 28 қаңтарында екпіні 20 м/с болатын қатты желдің салдарынан Алғабас ауылындағы Быхина орта мектеп ғимаратының шатыры ішінара бұзылды, шатыр жабынының жалпы ауданы 340 шаршы метрді құрады. Екінші оқиға 2020 жылғы 21 шілдеде екпінді желдің салдарынан 20 м/с дейін болған, Кабельная көшесі, 1 мекен-жайы бойынша орналасқан "№2 қалалық аурухана" ШЖҚ КМК ғимаратының 63 ш. м. алаңында шатыры ішінара бұзылды.

2021 жылғы 01 мамырда екпінді жел 10 м/с дейін салдарынан Западный тұйық көшесі мекенжайындағы 2 қабатты бір кіреберісті тұрғын үйдің шатыры бұзылып, ауданы 250 шаршы метр құрады .

Негізінен шатырдың бұзылуы ғимараттар мен құрылыстарда орын алады, онда шатыр ұзақ уақыт бойы жөнделмеген, оны жөндеу үшін сапасыз шатыр материалдары қолданылған, құрылыс немесе күрделі жөндеу кезінде төбе жабындарын монтаждау дұрыс жүргізілмеген.

Семей қ. ТЖ басқармасы Семей өңірінің тұрғындарына жел күшейген жағдайда "112" құтқару қызметінің хабарламаларын елемеуді, өте мұқият болуды, әлсіз бекітілген және тозған құрылымдарға, қараусыз қалған ғимараттарға, ағаштарға, электр беру желілеріне жақындамауды ұсынады.

Төтенше жағдай туындаған кезде, шұғыл қызметтерге "101" және "112"нөмірлері арқылы хабарлаңыз.