Семейдегі өрт кезінде бойжеткен зардап шекті

2021 жылғы 15 тамызда Семей қаласында Шәкәрім көшесінде сағат 12 шамасында 9-қабатта орналасқан пәтердің балконында өрт шықты. Өрт сөндіру бөлімшелері келген кезде тұрғын үй-жайда қатты түтін болды. Құтқарушылар пәтерде қалған бойжеткенді эвакуациялау үшін бірден автосатыны орналастырды. Алайда ол дүрбелеңге түсіп, 9 қабатты балконнан секірді. Қазіргі уақытта жедел жәрдем дәрігерлері 2003 жылы туған зардап шеккен адамды жедел жәрдем көлігінде тасымалдайды. Өрт сөндірушілер жалпы ауданы 6 ш.м. өртті сөндірді, газ-түтіннен қорғау қызметінің буыны басқа тұрғындардың пәтерінде барлау жүргізді.Ешкім табылған жоқ. Өрттің себебі бойынша отты абайсыз қолдану нұсқасы әзірленуде.

ШҚО ТЖД азаматтардан өрт қауіпсіздігі ережелерін сақтауды сұрайды. Өрт болған жағдайда бірден 101 немесе 112 нөмірі бойынша құтқарушыларды шақыру қажет. Ешқандай жағдайда терезеден секірмеңіз, құтқарушылардың көмегін күтіңіз. Қатты түтін болған жағдайда мұрын мен ауызды дымқыл шүберекпен жабыңыз.

ШҚО ТЖД баспасөз қызметі