Балалар жер сілкінісі кезінде әрекет етуді үйренді

ШҚО ТЖД қызметкерлері басты мақсаты-өскелең ұрпақты төтенше жағдайлар кезінде қауіпсіз жүріс-тұрыс ережелеріне үйрету болып келетін балалармен үнемі профилактикалық іс - шаралар өткізеді.

Бүгін құтқарушылар Өскемен қаласы балабақшаларының біріне барып, «жер сілкінісі кезіндегі іс-әрекеттер» тақырыбында балалармен және педагогтармен қызықты сабақ өткізді.

ШҚО ТЖД қызметкерлері балаларға осы табиғи апат туралы мультфильмді көрсетіп, сейсмикалық жаттығудың көмегімен алған білімдерін бекітті.

Балалар материалды тез меңгерді, әсіресе, кейіпкерлері өлеңдер арқылы қол жетімді «балалар» тілінде жер сілкінісі кезінде өзін қалай ұстау керектігі туралы айтқан мультфильмді көргеннен кейін. Содан кейін, балалар тез, кідіріссіз топтағы қауіпсіз орындарды іздеді: үстелдердің астына жасырынып, есік ойықтарына тұрды.

Топтағы сейсмикалық жаттығудан кейін барлығы балабақша ғимаратынан тез далаға шығып, құрылыстардан алыс қашықтықта орналасқан алаңға барды.

Ал мұнда балаларды құтқарушылардан тосын сый күтіп, балаларға кинологиялық есептің жұмысы көрсетілді.

Құтқарушы ит Алеся балаларға өзінің кинолог-әріптесін қалай тыңдайтындығын көрсетіп,  ғимаратта шартты түрде зардап шеккен адамды тауып, өзін риза және ынталы сәбилерге сипауға мүмкіндік берді.

«Бүгін біз балалармен «жер сілкінісі кезіндегі іс-әрекеттері» ойын ойнадық. Біз бұл әдісті кездейсоқ таңдаған жоқпыз, себебі,ойын-балаларды оқытудың негізгі әдісі болып табылады. Ойын ойнау арқылы бала негізгі ережелерді жақсы есте сақтайды. Біздің балалармен кездесуіміз танымдық, көңілді және ұмытылмас болды» - Дина Бексұлтанова, ШҚО ТЖД ТЖ алдын алу басқармасының бас маманы.