Мұздақ көлдердің қаупі

2500 м биіктіктегі табиғат кереметі – мұздақ көлдер. Суық және жансыз көлдер, олар мұздықтардың еруі нәтижесінде пайда болады. Біздің облыста осындай 146 көл бар. Қыркүйек айының соңына дейін, мұздақ көлдер қатып қалмайынша, Қазселденқорғау ШҚ филиалының мамандары мен ШҚО ТЖД қызметкерлері  көлдерді жерден және ауадан бақылайды, олардың жай-күйін, толымдылығын және сел мен көшкін ағындарын қалыптастыратын факторлардың болуын бақылайды.

11 маусымдық бақылау бекеттерінде Қазселденқорғау мамандары Алтай, Зайсан, Катонқарағай, Тарбағатай, Үржар аудандарында және Риддер қаласында әлеуетті сел түзуші аймақтардың жағдайына күнделікті бақылау жүргізеді.

«Қазавиақұтқару» АҚ «Еврокоптер» тік ұшағында мұздақ және карлдық көлдерге, Алтай ауданының Тұрғысын өзені бассейніне, Риддер қаласының ауданындағы Громотуха, Белая Уба өзені бассейніне, Катонқарағай ауданының Сарымсақты, Берел, Бұқтырма өзенінің жоғарғы жағына аэровизуалды зерттеу жүргізілді.

Тау жоталарында қар жамылғысы жоқ, тек солтүстік беткейлерде қардың бірнеше қалдық құбылыстары байқалады. Мұздақ және қара көлдер мұз бен қардан толық ашылған. Тосқауылдар арқылы толып кету байқалмады. Көлдерде негізгі тау жыныстарынан тұратын тұрақты су ұстайтын жоталар бар,осыған байланысты бұзып өту деңгейі төмен.

«Облыстағы сел, су тасқыны және көшкін жағдайы тұрақты. Осы көлдерді босату бойынша алдын алу жұмыстарын жүргізу талап етілмейді. Зерттелетін көлдер елдімекендерге, шаруашылық жүргізу объектілеріне және инфрақұрылымға қауіп төндірмейді» – деп атап өтті ШҚО ТЖД алдын  алу басқармасының бастығы Алексей Штыкель

ШҚО ТЖД Баспасөз қызметі