Брифингте құтқарушылар өрт қауіпті кезеңге дайындық және өңірдегі су тасқыны жағдайы туралы айтты
ШҚО ТЖД бастығының орынбасары Қанат Әбділов онлайн-брифингте облыс аумағында белсенді қар еру жалғасып жатқанын айтты. Қар жамылғысының ауданы 19% құрайды.
«Қазгидромет» РМК филиалының деректері бойынша қар Глубокое, Шемонаиха, Катонқарағай аудандарының аумағында байқалады, онда қар жамылғысының биіктігі 15 см-ден аспайды.
«Қазгидромет» РМК филиалының күнделікті гидрологиялық бюллетеніне сәйкес барлық өзендер мұздан аршылған, су деңгейінің көтерілгені байқалады. Бұл ретте шекті деңгейлерден асып кету байқалмайды.
ШҚО ТЖ департаменті 9 аэровизуалды тексеру жүргізді.
«ШҚО ТЖД дағдарыс залында 20 наурыздан бастап облыстық су тасқынына қарсы жедел штаб жұмыс істейді. Облыс аумағында жоғары дайындық режимі жұмыс істейді, су басу жағдайына 2412 бірлік техника мен 377 мотопомпа бар, 106 эвакопункт дайындалды», - деп атап өтті Қанат Әбділов.
Төтенше жағдайлар министрінің өкімі бойынша Алтай және Көкпекті аудандарында ҚР ТЖМ 52859 әскери бөлімінің күштері мен құралдары су тасқынына қарсы іс-шараларды жалғастыруда. 7700 метр арықтар мен су бұру каналдарын, 24 су өткізу құрылыстарын, қарттар мен жалғызбасты тұрғындардың 31 үй маңындағы аумақтарын тазарту ұйымдастырылды, 3220 қап инертті материал төселді, мұз қалыңдығы 1,5метрлік жерлерде ұзындығы 101 метр мұз кесілді.
Ағымдағы жылдың наурыз айынан бастап Бородулиха ауданының Орловка ауылында 1 тұрғын үй және Новопокровка, Орловка ауылдарында және Риддер қаласында 46 тұрғын үйдің аулалық аумағын су басты. ЖАО және ШҚО ТЖД күшімен барлығы 201974 текше метр су сорып шығарылды, 10485 данадан астам инертті материалдары бар қаптар төселді.
Екінші тақырып өрт қауіпті кезең болды. Жылы ауа райының басталуымен өрт сөндірушілер облыс аумағында күн сайын 15-20 рет өртенген шөпті сөндіруге шығады. Өрт негізінен ашық аумақта және бау-бақша қоғамдарында тіркелген. Қалыптасқан құрғақ желді ауа райы кез келген сөндірілмеген темекі тұқылын табиғи апат ауқымына дейін үрлеуге қабілетті.
Қазақстан Республикасы Орман шаруашылығы және жануарлар әлемі комитетінің 2021 жылғы 31 наурыздағы №27-5-6/48 бұйрығына сәйкес Шығыс Қазақстан облысының өрт қауіпті маусымының басталуы 12 сәуірден бастап белгіленді және тұрақты қар жамылғысы орнағаннан кейін аяқталады, бұл орташа есеппен жылына 180 күнді құрайды. «Ағымдағы жылдың өрт қауіпті маусымы басталғаннан бері облыс аумағында орман және дала өрттері тіркелмеген, 2020 жылдың жаңа кезеңінде жалпы ауданы 2,2 га болатын 1 орман өрті тіркелген, сонымен қатар өрт қауіпті кезең басталғаннан бері 12 жану тіркелген, отпен жойылған жану алаңы 173 га құрады», - деді ШҚО ТЖД бастығының орынбасары Қанат Әбділов. ШҚО ТЖ департаменті «Geosat» ЖШС-мен жануларды ерте сатысында бақылауға мүмкіндік беретін термоточкалар бойынша ғарыштық мониторинг деректерін беру туралы шарт жасасты. Өрт қауіпті кезеңде 2211 адам, 452 бірлік техника дайындықта.
Облыс бойынша Мемлекеттік өртке қарсы қызмет бөлімшелері жоқ елді мекендерде жергілікті атқарушы органдардың қаражаты есебінен ұсталатын 84 өрт сөндіру бекеті бар. Оның ішінде бүгінгі таңда 65 техника жұмыс істейді, 14 техника жұмыс істемейді, штат жоқ - 5. Сондай-ақ өрттердің алдын алу және олармен күресу үшін облыс бойынша 251 ерікті өртке қарсы құралым бар (жалпы саны 2 670 адам, 65 өрт бірлігі мен және 305 бейімделген техника мен жарақталған, сондай-ақ 3000 бірліктен астам өртке қарсы құрал-саймандар мен жабдықтар (мотопомпалар, аспалы бүріккіштер, бастапқы құралдар).
Құтқарушылар «Әкімшілік құқық бұзушылық туралы» Қазақстан Республикасы Кодексінің 336-бабына сәйкес адамдарды әкімшілік жауапкершілікке тарту туралы шешім қабылдай отырып, шөпті жағу және от жағу жауапкершілігі және фактілерді сотқа дейінгі тергеп-тексерудің бірыңғай тізілімінде тіркеу туралы еске салды. Жақын арада құрылған мобильді топтар өрт қауіпсіздігі ережелерін бұзушыларды анықтау және орман-дала өрттерінің алдын алу үшін саяжай учаскелері мен шаруа қожалықтарының аумақтары бойынша профилактикалық рейдтер ұйымдастыратын болады.
ШҚО ТЖД баспасөз қызметі