ШҚО құтқарушылары 2тәулікте қар құрсауынан 164 адамды құтқарды, оның 9-ы бала

         Шығыс Қазақстан облысында 2021 жылғы 13-15 наурыз аралығындағы екі тәулікте қар құрсауында қалған 164 адамға, оның ішінде 9 баланы құтқарып және 63 техниканы сүйреп шығарды. Адамдар Тарбағатай, Көкпекті, Күршім, Катонқарағай мен Алтай аудандарына апарар жолда қалған екен. Ол жолдар 13 наурызда қолайсыз ауа-райынан жабылған болатын.

         «Біз азаматтарға дауылдық ескерту туралы алдын ала ескерткен болатынбыз, алайда көбісі елдімекеннен шығып кетіп, күн райының тұтқыны болды. Жүргізушілердің полиция бекетін айналып өтіп кетіп, жолда тұрып қалған фактілері де кездеседі. Ауа-райы күрт өзгеріп және жолда әп-сәтте үрлеп тастайтын учаскелері бар екенін есте ұстаңыздар, сондықтан да құтқарушылардан келіп түскен ақпаратқа немқұрайлы қарауға болмайды – деп түсіндірді Төтенше жағдайлар департаментіндегілер.

         Қазіргі таңда Шығыс Қазақстан облысындағы барлық облыстық және республикалық маңызы бар жолдар ашық.

         ШҚО ТЖД құтқарушылары мынаны ұсынады:

1. Қыс мезгілінде жолға шығар алдында мұқият жоспарлап, дайындалыңыз. Авариялық жағдайды кез-келген ұсақ-түйек маңызды болуы мүмкін. Дармен ұялы қосымшасынан жолдың жағдайы туралы алдын ала біліңіз. Дауылдық ескерту туралы хабарлама болса елдімекеннен шықпаңыз;
2. Әр көлікте міндетті түрде шұғыл жағдайда өміріңізге қажет болатын заттар болсын: қыздыру шамы, арқан, доңғалаққа арналған шынжыр, кұүрек және бастапқы қажетті заттар.
3. Боран немесе қатты аязда жолда қалып қойсаңыз тоқтап, тұрған жерді белгілеп қойып, түсті мата іліп қою қажет. Көліктің жалюзиін жауып, қозғалтқышты радиатор жағынан бүркеп қою керек. Көліктің капотын желдің бағыты бойынша қойыңыз. Жанармайды үнемдеңіз, пешті жаға бермеңіз.

 

ШҚО ТЖД баспасөз қызметі