Құтқарушылар қар құрсауында қалған 6 адамға көмектесті

25 ақпанда Үржар ауданында Мақаншы-Қарабұта тас жолында 4 жолаушысы бар «Тойота Виндоу» көлігі қар құрсауында қалып қойған. Көмекке 54-ӨСБ құтқарушылары келіп, көлікті қардан шығарып берді және адамдар жолын әрі қарай жалғастырды. Құтқарушылар жол үстінде «Субару Форестер» көлігінің тұрып қалғандығын көріп, оған да көмек көрсетті, онда 2 жолаушы болған.

       Бұған дейін ШҚО ТЖД құтқарушылары өңірдегі қатты боран соғатыны туралы дауылдық ескерту берген болатын.

       ШҚО ТЖД қауіпсіздік шараларын еске салады.

• Алыс жолға шығар болсаңыз туыстарыңызға баратын жеріңіз бен қайту уақытын айтыңыз;
• Ауа-райы мен жолдардың жағдайы туралы Дармен ұялы қосымшасын жүктей отырып уақтылы біліңіз;
• Дауылдық ескерту туралы хабарлама алған кезде елдімекеннен тыс жерге шықпаңыз.

Төтенше жағдай кезінде 112-ге қоңырау соғыңыз.

ШҚО ТЖД баспасөз қызметі