Құтқарушылар қысқы сырғанақ тебу орындарын «қадағалауда»

ШҚО ТЖД мен Өскемен қаласы ТЖБ құтқарушылары қыс кезіндегі сырғанақ тебу орындарын тексеріп қайтты. Оның көбісі қауіпсіз болмай шықты. Мәселен Өскеменнің өзінде ғана 2 учаске анықталды, оның бірі Согра кентіндегі 9 шақырымда бала-шаға жолдың бойындағы биік төмпешіктерден сырғанап жүр, Шешек асуындағы жағдай да осындай. ТЖ мамандары ата-аналардың балаларына қауіпсіздік шараларын түсіндіруде тиісті көңіл бөлмейтіні алаңдатады.

         Проблеманың мән-жайын іс жүзінде көрсету үшін құтқарушылар өздері стьюбқа отырып сырғанап көріп әп-сәтте-ақ  жарақат алып  немесе жол-көлік оқиғасының себепкері болуы мүмкін екендігін көрсетті.

Мысалы, 2020 жылдың қаңтарында Бесқарағай ауданында екі бала  көлікке байлап алған резеңке баллонмен сырғанап жүргенде көлік келе жатқан қарсы бетке шығып кетіп, баллон көліктің астына кіріп кеткен болатын.

Профилактикалық рейд нәтижесінде ШҚО ТЖД және Өскемен қаласы ТЖБ мамандары азаматтардың назарын мына бұзушылықтарға аударады:

• Сырғанақ тебу үшін арнайы орындарға бармай қауіпті учаскелерді таңдап жатады;
• Балалар ата-аналарының қарауынсыз жүр және қауіпсіздік шараларын білмейді;
• Стьюбқа бірнеше адам отырып алады, шана төңкеріліпкетіп, жарақат алуы мүмкін;
• «ватрушкалар» жылдамдығы жоғары, тежегіші жоқ, ал адамдар оны басқара алмайды;
• Кей кездері стьюбты көлікке байлап алып, ЖКО құрбаны болып жатады.

Балаларға түсіндіру жұмыстарын жүргізіп,  қауіпсіздік жадынамаларын таратып, ал ата-аналарға кеңестер берілді.

ШҚО ТЖД сырғанау кезінде мына ережелерді сақтауды ұсынады:

1. Стьюбке көп адам отыруға болмайды. Әр модельдің сипаттамасында тиісті салмағы көрсетіледі.
2. Ватрушкамен беткейдің биіктігі 20 градустан аспайтындай болуы тиіс. Беткейде тежеу мүмкіндігі бар орындар болуы тиіс. Бұталар өткен беткейде сырғанауға болмайды.
3. Дайын емес трассада, тастар, шұңқыры бар жерлерде сырғанауға болмайды. Ол жерде баллондарыңыз бүлініп кетуі мүмкін. Сонымен қатар жолдың жанында сырғанауға болмайды.
4. Стьюбтың жылдамдығы өте жоғары болады, сондықтан сырғанап келе жатып жолыңызда ешкімнің жоқ екенін, әсіресе балалардың болмауына көз жеткізіңіз.
5. Шананың үстіне тұрып сырғанамаңыз.
6. Ата-аналары бірге жүріп, қауіпсіздік шаралары бойынша нұсқаулық жүргізуі тиіс.

Осындай қиын емес ережелерді сақтай отырып сізз өзіңіз бен маңайыңыздағылардың жарақат алып қалмауына ықпал етесіз.

ШҚО ТЖД Баспасөз қызметінің ақпараты