Пешпен жылытудың жарамсыздығына байланысты Семей тұрғыны улы газбен уланды

Қысқы кезеңнің басталуымен пештердің ақаулығы және оларды жағу кезінде өрт қауіпсіздігі қағидаларын бұзу себебінен өрттер мен улы газбен улану жағдайларының саны күрт артады. Көп жағдайда улы газбен улануға үй иелері кінәлі болып табылады, олар өрт қауіпсіздігі ережелерін бұзады, түтіндіктерді күйеден тазартпайды және пеш құрылғысын жарамды күйде ұстамайды.

         Ағымдағы 2020 жылы Семей қаласының аумағында улы газбен уланудың 29 жағдайы тіркелді, онда 56 адам зардап шекті, оның ішінде 22 бала, 4 адам қаза тапты.

         Мұндай жағдайлардың көпшілігі түнде болады. Ұйықтап жатқан адам үшін өлімге әкелетін көміртегі тотығының маңызды дозасын алу үшін түтінді бөлмеде бірнеше минут болу жеткілікті.

          Бүгін түнде 1-ші Жоломановка көшесінде қайғылы оқиға болды. Түн ортасында жедел жәрдем станциясының кезекші диспетчерінен жедел жәрдем бригадасының аталған мекен-жайға барып, ер адамның улы газбен уланғаны туралы хабар келіп түсті. Маман уланудың тұрмыстық жағдайда, жылыту пешінің тазаланбаған мұржасының нәтижесінде алынғанын анықтады. Жансақтау бөліміне 1945 ж.т. азамат жеткізілді және ауыр дәрежедегі улы газбен улану диагнозымен  ауруханаға жатқызылды.

          Семей қ.ТЖБ қызметкерлері қала тұрғындарын өте сақ болуға шақырады. Негізгі қауіп-көміртегі тотығы оның түсі де, иісі де жоқ, ешқандай сезім тудырмайды, сондықтан оны жиі "үнсіз өлтіруші"деп атайды. Улы газ ауамен араласып іс жүзінде байқалмайды, сондықтан адам  жай-күйінің нашарлануынулану және бірдеме істеуге шарасыз екенін улану болғанннан кейн ғана аңғарады.

          Мұндай фактілерге жол бермеу үшін Семей қ. ТЖБ жеке үй құрылыс иелерінен пештерді пайдалану кезінде келесі қауіпсіздік ережелерін сақтауды сұрайды:

- жанып жатқан пешті қараусыз қалдыруға;

 

- пеш қалауында жарықтардың болуы, бітелген моржа  қайғылы салдарға әкелуі мүмкін;

 

- пештерді пайдалану жөніндегі нұсқаулықтарда көзделмеген жанғыш заттарды (қатты, сұйық, газ тәрізді) отын ретінде қолдануға;;

 

- көмір жанғанша пеш жапқышын жаппаңыз;

 

- жағу үшін дайындалған отынды, сондай-ақ басқа да жанғыш заттар мен материалдарды жағу алдындағы жерге орналастыруға;;

 

- пешті пайдалану жөніндегі нұсқаулықпен белгіленген уақыттан артық жағу;

 

- жанғыш заттар мен материалдарды (аяқ киім, киім, отын) пеш пен түтін жолдарының бетінен 0,5 м кем қашықтықта кептіруге;;

 

- күл мен қожды сумен төгіп, қауіпсіз жерге шығару қажет;

 

        Егер сіз көміртегі тотығымен уланудың куәсі болсаңыз, онда уақытылы және дұрыс көрсетілген медициналық көмек көптеген асқынулардың алдын алады.     

         Дәрігерді күтудегі басты міндет-зардап шегушінің жағдайын сіздің қаншалықты күшіңіз жетеді соншалықты жеңілдету. Егер қалтырау басталса, температура төмендесе - жылы орап, тәтті шай беріңіз (егер адам саналы болса, әрине). Тыныс алуды жеңілдету үшін ыңғайлы (және жақсырақ — таза ауада немесе, кем дегенде, ашық терезеде) орналастырыңыз.

         Қорқыныш немесе толқу болса, тыныштандырыңыз. Есін жоғалтқан адамды жанымен жатқызыңыз және оның басы құлап кетпейтініне көз жеткізіңіз, әсіресе кенеттен құсу пайда болса.    Көйлектің жағасын ашыңыз, кеудесін босатыңыз, таза ауа ағынын қамтамасыз етіңіз.

         Естеріңізде болсын, улы газ қауіпті, ол тез әрі білінбей әрекет етеді, сондықтан өмір мен денсаулық қабылданған шаралардың жылдамдығына байланысты. Өзіңізді және жақындарыңызды қорғаңыз!

ШҚО ТЖД Семей қаласы ТЖБ