Құтқарушылар тұрғын үйдің жертөлесіндегі өртті сөндірді

Өскемен қаласындағы Қасым Қайсенов көшесінің бойында бес қабатты тұрғын үйдің жертөлесінен өрт шықты. Келген өрт сөндіру есептері тұрғындарды дереу эвакуациялауды ұйымдастырды. Барлығы 6 адам эвакуацияланды, оның ішінде 2 бала. Қалған азаматтар қауіпті аймақтан өз бетінше шықты. Арнайы құрылғының көмегімен құтқарушылар улы түтінді алып тастап,  келісілген іс-қимылдарының көмегімен 80 шаршы метр алаңдағы өртті тоқтатты. Өрт сөндірушілер түтіннің салдарынан толық көрінбеуі жағдайында жұмыс істеуге мәжбүр болды.
Өрттің себебі анықталуда. Зардап шеккендер жоқ.
ТЖМ өрт қауіпсіздігі ережелерін сақтауды еске салады. Өрт кезінде 112 нөмірі бойынша дереу хабарлау қажет.