Қар көшкіні қаупі бар беткейлерде алдын алу шаралары

Шығыс Қазақстан облысында өткен мол жауын-шашын, желді және тұрақсыз температуралы ауа-райы қар көшкіні қаупі бар ошақтардың баурайында қардың еру қаупінің туындауына әкелді. "Қазселденқорғау" ШҚ филиалының мамандары қар көшкінінің өздігінен түсуінің алдын алу мақсатында «Өскемен-Горная Үлбі-Северное» тас жолында профилактикалық түсірулер жүргізді.

Бұл автожол демалыс базалары ауданында орналасқан және демалыс күндері мұнда таулардағы қысқы демалысты ұнататындар жаппай барады. Мұнда қар көшкінінде қардың қалыңдығы 45-50 см болды, қар көшкінінің өздігінен түсу қаупі туындады. Екі профилактикалық түсіру кезінде 560 текше метр қар түсті. Жол тазартылды, көлік қозғалысы қамтамасыз етілді.

«Біз өз тарапымыздан қар көшкінінің түсуіне жол бермеу бойынша жұмыс жүргіздік және азаматтарымызға тауда болған кезде ережелерді сақтауға кеңес береміз.  Қар көшкіні қаупі бар ошақтардан өтіп бара жатқанда, сіз өте мұқият болуыңыз керек, олардың жанында тоқтамаңыз. Тауда болған кезде, мысалы, шаңғышыдан немесе сноубордшыдан көлбеуге аз ғана жүктеме, әсіресе қар жамылғысы тұрақсыз болса, қар көшкінінің түсуіне себеп болуы мүмкін, сондықтан ықтимал қауіпті жерлерді дұрыс бағалаңыз және қажетті қауіпсіздік шараларын сақтаңыз», - деп атап өтті ҚР ТЖМ" Қазселденқорғау " ШҚ филиалының басшысы Ербол Бекпаев.