Балалардың назарында

ҚР ТЖМ 30 жылдығына 30 игі іс науқанына орай құтқарушылар Өскемен қаласының «№14 арнайы мектеп-балабақшасында» іс-шара өткізді.

Балалардың қауіпсіздігі үшін құтқарушылар арнайы шағылыстыратын төсбелгілер жасап, оларды рюкзактарға бекітті. Төсбелгілер кішкентай балаларға назар аударуға, көзге түсуге мүмкіндік береді, өйткені балалар қала көшелерінде адасып, қиындыққа тап болуы мүмкін. Төтенше жағдайда бейджик құтқару қызметінің «112» нөмірін еске салады.

Қауіпсіздік белгілерін құтқарушылардың өздері үлкен қамқорлықпен жасады.

Іс-шара барысында балалар төтенше жағдайдағы тәртіп ережелерін меңгеріп, ТЖМ жаңа жоғары өтімді техникасымен және ТЖ қатарында қызмет ететін және іздеу жұмыстарына қатысатын төрт аяқты құтқарушы-Лабрадор "Хитпен" таныса алды.