"Қазгидромет" РМК ШҚО бойынша филиалының ақпараты бойынша облыстың 7-9 сәуір аралығында түнгі және күндізгі ауа температурасының жоғарылауына, сондай-ақ 8-9 сәуірде облыстың басым бөлігінде (негізінен жаңбыр түріндегі) жауын-шашын болжамына байланысты қардың одан әрі қарқынды еруі мен өзендердің мұздан тазаруы жалғасады. Бұл ретте өзен арналарында мұз кептелістері пайда болуы мүмкін. Еріген қар суының және беткейлік ағындардың қалыптасуы, сондай-ақ мұз кептелістерінен, жылғалардан, бүйірлік ағындардан және өзеннің жоғары ағысынан еріген қар суы ағындарының жету салдарынан өзендердегі су деңгейінің көтерілуі күтіледі. Осыған байланысты су жайылуы мен су басуы мүмкін.