СҚО ТЖД және "Атамекен": бірге-Қауіпсіз Жаңа жыл үшін!

Алдағы мерекелерде СҚО ТЖД және облыстық полиция департаментінің өкілдері дөңгелек үстел барысында өрт қауіпсіздігі туралы айтып берді.

Іс-шараға, оның ішінде бейнеконференцбайланыс арқылы 150-ге жуық адам қатысты: облыстық және аудандық мәслихаттардың депутаттары, мейрамханалардың, кафелердің, сауда-ойын-сауық орталықтарының және жаңа жылдық іс-шаралар өткізілетін адамдар жаппай болатын басқа да объектілердің иелері. Түсінікті болу үшін осы объектілердегі өрт фактілері туралы бейнероликтер көрсетілді.

Департамент бастығының орынбасары Дмитрий Растихин СҚО - дағы өрттермен жедел жағдайды атап өтіп, олардың себептері мен салдары туралы айтып, жаңа жылды мерекелеу кезіндегі өрт қауіпсіздігі ережелерін түсіндірді. Полиция департаментінің өкілі пиротехникалық бұйымдарды қауіпсіз сақтау, есепке алу, өткізу және пайдалану мәселелеріне назар аударып, жеке және заңды тұлғалардың жауапкершілік шаралары туралы ескертті.

СҚО ТЖ департаменті