Үздік бөлімше командирлері сайысқа түсті

          2024 жылғы 24 маусымда «СҚО ТЖ Департаментінің Өрт сөндіру және авариялық-құтқару жұмыстары қызметі» РММ-де «Бөлімшенің үздік командирі» байқау-конкурсы өтті, оның мақсаты өрт сөндіру бөлімдері жеке құрамының жауынгерлік дайындығы мен кәсіби шеберлігін арттыру, бөлімше командирлерінің теориялық білімі мен практикалық дағдыларын жетілдіру болды.
          Байқау екі кезеңде өткізілді, оның біріншісін бөлімше басшылары жергілікті жерлерде өткізді. Екінші кезең бірінші турдың жеңімпаздары арасында өрт сөндіру қызметі басқармасында өтті. Үздіктердің үздіктері оқу мұнарасының 4-ші қабатына шабуыл баспалдақтарымен көтеріліп, автоцистернада жауынгерлік орналастыруды бір «Б» бөшкесін бере отырып орындады, құтқарушыға кигізу арқылы құтқару арқанын тоқыды,  60 м, 100 м және 1000 м қашықтықтарды еңсерді және тартылды.
          Аталған іс-шараның бағдарламасына өрт-құтқару және дене шынықтыру даярлығы бойынша нормативтерді тапсыру, өрт сөндіру желісі бойынша нормативтік-құқықтық актілерді, сондай-ақ тактикалық-арнайы даярлық бағдарламасында көзделген пәндерді білуге тестілеу кірді.
Байқау жеңімпазы Петропавл Қ. 4-ӨСБ бөлімшесінің командирі Аслан Жукубаев болды. Оған «СҚО ТЖД ӨС және АҚЖҚ» РММ бөлімшесінің үздік командирі» құрметті атағы берілді. Екінші орынды Петропавл қ. МӨСБ-2 бөлімшесінің командирі Думан Ескенеев иеленді. Үшінші орын Петропавл қ. 1-МӨСБ бөлімшесінің командирі Нұрбол Жүкенов.
          Жеңімпаздар «СҚО ТЖД ӨС және АҚЖҚ» РММ бастығының бағалы сыйлықтарымен және грамоталарымен марапатталды.


          «СҚО ТЖД ӨС және АҚЖҚ» РММ қоғаммен байланыс тобы