Бейбіт жарылыстар: Уәлиханов ауданында су тасқынына қарсы іс-шаралар өткізілді

 

Көктемгі су тасқыны оқиғаларының қолайсыз дамуының алдын алу үшін су тасқынына қарсы іс-шаралар жоспарына сәйкес, 2023 жылғы 09 наурызда Селеті өзенінің сағасында жарылыс жұмыстары жүргізілді. Оларды «Көкше-БУР» ЖШС мамандары Құлыкөл селосының маңындағы өзеннің 4 учаскесінде өткізді. Жарылыс жұмыстарының жалпы ауданы 1000 шаршы метрді құрады.

Уәлиханов ауданының ТЖ бөлімінің бастығы азаматтық қорғау подполковнигі Бауыржан Рахымжанов, Уәлиханов ауданының ТКШ, жолаушылар көлігі және автожолдар бөлімінің басшысы Амангелді Қойшыбаев, Құлыкөл селолық округінің әкімі Тұрлыбек Мүтәліпов осындай жауапты іс-шараның тиісті деңгейде өткізілуін бақылауды жүзеге асырды, Нұрлан Қапенов Құлыкөл ауылдық округінің учаскелік қызметкері полиция лейтенанты қауіпсіздігін қамтамасыз етті.

Мұз жамылғысын әлсірету жөніндегі іс-шаралар көктемгі мұз ағыны кезеңінде кептеліс құбылыстарының алдын алу және тасқын суларды апатсыз өткізуді ұйымдастыру, сондай-ақ Құлыкөл селолық округінің елді мекендерін 2023 жылғы көктемгі су тасқыны кезінде су басудан қорғау мақсатында жүргізілді. Мұзды ұсақтау мұз өрісін едәуір әлсіретуге және тасқын суларды өткізу кезеңінде өзенде кептелістердің пайда болу мүмкіндігін азайтуға, осылайша судың көтерілу деңгейін төмендетуге мүмкіндік береді.

ТЖ бөлімінің қызметкерлері Құлыкөл селолық округінің тұрғындарына жарылыс толқынынан мұзда жарықтар пайда болатынын еске салады. және ескертеді: мұзға шығу үлкен қауіп!

 

СҚО ТЖД ТЖ алдын алу бөлімінің бастығы

азаматтық                     қорғау подполковнигі  

Сәкен Ағзамов