Қазақстан Республикасының Конституциясы күні қарсаңында Петропавлда кроссфиттен облыстық чемпионат өтті

2022 жылғы 18 тамызда Петропавл қ. №3 өрт сөндіру бөлімінің аумағында Солтүстік Қазақстан облысының ТЖ Департаменті өрт сөндіру қызметінің бөлімшелері арасында функционалдық өрт көпсайысы (өрт кроссфиті) бойынша облыстық жарыстар өтті.

Салтанатты ашылу рәсімінде СҚО ТЖД бастығының орынбасары Дмитрий Растихин және азаматтық қорғау органдары ардагерлер кеңесінің төрағасы Сағынбай Уәлиев осындай маңызды іс-шараға қатысушыларға құттықтау сөз сөйледі.

Олар барлық қатысушыларды айтулы оқиғамен құттықтап, қатысушыларға жоғары спорттық жетістіктер мен жеңістер тіледі.

Жарыс бағдарламасы күрделілігімен және қанықтығымен ерекшеленді-қатысушылар тік қолдарымен салмағы 24 кг. тұратын гирді айналдыру, жүгіру, штангасы бар трастерлер, доңғалақтың кантованиясы, қысымды өрт жеңдерін қосу және жеңдік желіні төсеу, газ баллондарын тасымалдау, зардап шеккен адамның манекенін тасымалдау және тіпті автокөлікті  арқанмен 40 метр қашықтыққа ауыстыру сияқты 7 күш жаттығуларын орындады.

        Жарысқа өртке қарсы қызмет гарнизонының аудандық және қалалық бөлімшелерінің қызметкерлері қатысты. Барлығы 19 команда, 50-ден астам құтқарушы. 

          Жарыс қорытындысы бойынша жеке есепте ең жылдам және шыдамды болып Ғ.Мүсірепов  ауданының 16-ӨСБ командасының өкілі Артем Бродягин (172 сек), Ақжар ауданының 8-ӨСБ өкілі Руслан Мұстафин(178 сек) екінші нәтиже көрсетті, ал көшбасшылар үштігін Ғ. Мүсірепов ауданының 16-ӨСБ өкілі Александр Мельчук аяқтады.

          Чемпионат қорытындысы бойынша жалпыкомандалық 1 орынды Ғ.Мүсірепов ауданының 16-ӨСБ командасы жеңіп алды, ол ең үздік нәтиже көрсетіп, жеңімпаз болып танылды. Екінші орынды Ақжар ауданының 8-ӨСБ, үшінші орынды Петропавл қаласының 3 - ӨСБ алды.

Барлық қатысушылар чемпионатқа белсенді қатысқаны үшін грамоталар, бағалы сыйлықтар алды.

        

Сара Ғабдулина,

СҚО ТЖД қоғаммен байланыс тобы