СҚО ТЖД бастығы азаматтық қорғау полковнигі Рамиль Камалов РФ Түмен қаласына қысқаша жұмыс сапарымен барды

Түменде Ресей ТЖМ Түмен облысы бойынша Бас басқармасының бастығы ішкі қызмет генерал-майоры Артур Хачатрян мен Солтүстік Қазақстан облысының Төтенше жағдайлар департаменті бастығы  полковник Рамиль Камаловтың жұмыс кездесуі өтті.

Іс-шара аясында ведомство басшылары Ишим (Есіл) өзенінің су ресурстарын пайдалану және қорғау жөніндегі жұмыс тобының трансшекаралық су объектілерін бірлесіп пайдалану және қорғау жөніндегі бірлескен Ресей-Қазақстан комиссиясының 30-шы отырысына қатысты.    

Отырыста қаралған тақырыптардың бірі 2022 жылғы көктемгі су тасқынының өтуі туралы жедел ақпарат алмасу тақырыбы болды.

Халықаралық кездесудің қорытындысы бойынша көрші елдердің төтенше ведомстволарының басшылығы трансшекаралық оқу-жаттығуларға, 2023 жылғы су тасқыны мен өрт қауіпті кезеңге дайындық кезінде, сондай-ақ шектес аумақтардағы ТЖ жою бойынша өзара іс-қимылға қатысуға өзінің толық дайындығын растады.

 

ҚР ТЖМ СҚО ТЖ департаментінің

ТЖ алдын алу бөлімі