Жаз - судағы ТЖ-сыз!

Қазақстан Республикасының су айдындарындағы ТЖ дабыл мәліметтері СҚО ТЖ департаментінің қызметкерлеріне бір минут бос уақыт қалдырмайды.

Жаздың бірінші айында ерекше ыстық болған демалыс күндері СҚО қауіпті акваторияларында азаматтық қорғау офицерлері мен полиция қызметкерлерінің, жергілікті атқарушы органдар өкілдері мен еріктілердің қатысуымен рейдтік іс-шаралар өткізілді. Есіл өзеніндегі, облыс қазаншұңқырларындағы, шалшықтар мен көлдердегі қауіпті учаскелер осы жерде бос уақыттарын өткізіп жүрген адамдармен үгіт-насихат жұмыстарымен қамтылды. Олармен әңгімелесу жүргізілді, жадынамалар таратылды, судағы қауіпсіздік ережелері және әкімшілік ықпал ету шаралары жеткізілді. СҚО ТЖД қызметкерлері балалардың қауіпсіздік ережелерін сақтауына ерекше назар аударды, өйткені олар демалыста, ал ыстық күндердің басталуымен оларды магнит сияқты су айдыны тартады.

Рейдке қатысушылар демалушылармен сенімді сөйлесті, судағы ТЖ фактілерін келтірді, толық ұсыныстар берді. Құтқару құралдары – құтқару шеңберлері мен кеудешелері болған кезде рұқсат етілген жерлерде ғана суға шомылу қажеттілігін, «жабайы жағажайларда», алкогольдік масаң күйде, тәуліктің қараңғы уақытында және жалғыз шомылудың өлім қаупін – осы және басқа да көптеген "ұсақ-түйектерді" олар жеткілікті және түсінікті түсіндірді.

 Адамдар бұл жұмысқа түсіністікпен қарады, көптеген сұрақтар қойды, судағы қауіпсіздік ережелерін сақтауға уәде берді. Балықшылар да ұмытылмады-олармен де осындай жұмыс жүргізілді, дәл осындай бос уақыттың ерекшелігіне баса назар аударылғанын айта кету керек.

Өткен демалыс күндері Департаменттің қызметкерлері полициямен, сондай-ақ еріктілермен бірлесіп 40-тан астам рейдтік іс-шара өткізді, оның барысында 1500-ге жуық үгіт материалдары таратылды. Полиция қызметкерлері ортақ су пайдалану ережелерін бұзғаны үшін (тыйым салынған жерлерде шомылу) 364-бап бойынша 25 әкімшілік хаттама, сондай-ақ су айдындарының жанында 440-бап бойынша 15 хаттама (спирттік ішімдіктер ішу) жасады.

Ағымдағы жылы Департамент қызметкерлері және оның аумақтық бөлімшелері шомылу және балық аулау орындарында 5000-нан астам рейдтік іс-шаралар өткізді, олардың барысында 60 мыңнан астам жадынамалар мен брошюралар таратылды, су айдындарындағы қауіпсіздік қағидаларын сақтау туралы түсіндіру әңгімелері өткізілді.

Айта кету керек, соңғы 9 жылда облыс бойынша ресми емес бұқаралық демалыс орындарында 211 адам суға кетті, олардың 33-і бала. Оның ішінде өткен жылы ғана облыс аумағында 22 адам суға кетті, оның ішінде 6 бала.

Ресми көпшілік демалыс орындарында адамдардың қаза табуына жол берілген жоқ.

«Бұл іс-шаралар шомылу маусымы кезінде күн сайын өткізілетін болады. Бұл судағы ТЖ жағдайларының азаюына әкеледі деп үміттенемін», - деп СҚО ТЖ департаментінің бастығы полковнигі Рамиль Камалов өткізіліп жатқан іс-шараларға түсініктеме берді.  

 

СҚО ТЖД Азаматтық қорғаныс басқармасының бастығы

подполковник Марат Мұратов