СҚО су тасқынына дайындалуда: 6637 ә/б жеке құрамымен ТЖ зардап шеккендерге көмек көрсету бойынша сабақтар өткізілді
Су тасқыны-бұл табиғи құбылыс, оның маңыздылығын бағаламауға болмайды. Бұл төтенше оқиғалар мен төтенше жағдайдың себебі болуы, халықтың өмірін бұзуы мүмкін. Облыс аумағы су ресурстарынан айырылмаған-су тасқыны қаупінің негізін Есіл, Шағалалы, Сілеті, Қамысты өзендерінің және олардың салаларының тасуы, көлдердің толып кетуі мен жайылуы, сондай-ақ жер бетіндегі еріген сулар құрайды.
Сондықтан қазірдің өзінде ықтимал ТЖ-ның алдын алуға, оларға уақтылы ден қоюды қамтамасыз етуге, халықты апат салдарынан сенімді қорғауға арналған іс-шаралар кешені жүргізілуде.
Су тасқыны қаупіне жедел ден қою үшін ТЖ департаменті тарапынан облыс аумағында құқық қорғау органдары қызметкерлерінен тұратын 475 адам және 134 бірлік техника құрамында күштер тобы құрылды.
Сондай-ақ Қазақстан Республикасы Ұлттық ұланының күштері мен құралдары дайындықта-ТЖ жою және халыққа жедел көмек көрсету үшін құрамында жеке құрамнан 60 адам және 4 бірлік техника бар контингент бөлінді. Осы топтың жеке құрамымен су тасқыны кезеңіндегі шартты ТЖ іс-қимылдарға әзірлікке жоспарлы және жоспардан тыс тексерулер жүргізу және оқыту жоспарланған.
Мәселен, 2022 жылғы 5 сәуірде Петропавлда орналасқан Қазақстан Республикасы Ұлттық ұланы әскери бөлімінің аумағында топтың жеке құрамымен авариялық-құтқару жұмыстарын жүргізу, шұғыл дәрігерге дейінгі көмек көрсету бойынша нұсқаулық-әдістемелік сабақ өткізілді, су тасқыны қаупі кезеңінде жеке қауіпсіздіктің негізгі қағидалары жеткізілді. Гвардияшылар құтқару операцияларын, АҚЖ жүргізудің, арнайы техника мен жабдықтарды пайдаланудың негізгі тәсілдерімен танысты, судағы ТЖ-да зардап шеккендерге алғашқы медициналық көмек көрсету тәсілдерін үйренді.
Әріптестерінің алдында Департамент бастығының орынбасары подполковник Мұрат Қанғожинов сөз сөйледі. Ол жеке құрамның назарына республика мен облыс аумағындағы су тасқыны кезіндегі жедел жағдайды жеткізді, көктемгі кезеңдегі ТЖ-дан азаматтарды қорғаудағы құқық қорғау органдарының маңызы мен рөлі туралы айтып берді.
СҚО бойынша Апаттар медицинасы орталығының мамандары олармен суға батқан кезде алғашқы медициналық көмек көрсету тәсілдеріне оқыту жүргізді. Сабақтар қызықты, интерактивті режимде, нақты ТЖ жағдайларына барынша жақын өтті.
Солтүстік Қазақстан облысының
Төтенше жағдайлар департаменті
ТЖ жою бөлімі