Мемлекеттік қызметшінің салтанатты түрде ант қабылдауы

Мемлекеттік қызмет – бұл болашаққа деген сенім, тұрақтылық. Қызметке алғаш рет кіретін мемлекеттік қызметшілер үшін ант қабылдау - бұл олардың мансабындағы маңызды және жауапты сәт.

         Солтүстік Қазақстан облысы Төтенше жағдайлар департаментінде Департаменттің құжаттамалық қамтамасыз ету және мемлекеттік тілді дамыту тобының бас маманы Диана Сатабалдинова мен Департаменттің тылдық қамтамасыз ету тобының бас маманы Анелия Сәдуақасованың ант қабылдау рәсімі салтанатты түрде өтті. Олар үшін мемлекеттік әкімшілік қызметке алғаш қабылданған қызметшілер ретінде бұл оқиға өмірде толқулы және маңызды болды.

         Департамент бастығының міндетін уақытша атқарушы подполковник Мұрат Серікұлы Қанғожинов салтанатты ант қабылдады. Осылайша, жас мамандар ҚР Конституциясы мен ҚР заңнамасын сақтауға, халыққа адал және кәсіби қызмет етуге салтанатты түрде ант берді.

         Мұрат Серікұлы жаңадан құрылған мемлекеттік қызметшілерді сынақ мерзімінен сәтті өтуімен және Қазақстан Республикасы мемлекеттік әкімшілік қызметшілерінің ант қабылдауымен құттықтады.

         Күн сайын адал ниетпен өз міндеттерін орындай отырып, оларға көрсетілген сенімді ақтауға тілектестік білдірді, сондай-ақ жұмыста үлкен табыстар тіледі.

 

         СҚО ТЖ департаментінің

         КСБ бастығы

         азаматтық қорғау подполковнигі                                       Нариман Ашамаев