СҚО ТЖД қызметкерлері облыс кәсіпкерлерімен «дөңгелек үстел» өткізді
СҚО Өңірлік кәсіпкерлер палатасында облыс кәсіпкерлерімен «дөңгелек үстел» өтті. Іс-шараны Төтенше жағдайлар департаментінің қызметкерлері ұйымдастырды және Палата директорының орынбасары Жеңіс Қазиев пен СҚО ТЖ Департаменті бастығының орынбасары азаматтық қорғау полковнигі Урал Әбдірахмановтың төрағалығымен өтті. Аталған іс – шараның күн тәртібі қазақстандық қоғамның ТЖ мен өрттердің алдын алу, осы маңызды мәселедегі кәсіпкерлік субъектілерінің рөлі туралы өзекті сұраныстарына сәйкес келді.
ТЖ ТЖД өкілдерімен кездесуге өңірдің ірі және орта бизнес, шағын бизнес нысандарының өкілдері on-line режимінде қатысты.
Урал Әбдірахманов «дөңгелек үстелге» қатысушыларға құттықтау сөзімен жүгінді, ол қатысушыларға облыста, оның ішінде бақылаудағы объектілерде қалыптасқан өрт жағдайы туралы ақпаратты жеткізді, ҚР ТЖМ олардың алдын алу бойынша қабылдаған шаралары туралы баяндады. Ол дөңгелек үстелге қатысушылардың назарын өрт қауіпсіздігі саласындағы мемлекеттік бақылау кәсіпкерлік субъектісі өндіретін және өткізетін тауарлардың, жұмыстардың, көрсетілетін қызметтердің адамдардың өмірі мен денсаулығы үшін қауіпсіздігін, олардың заңды мүдделерін қорғауды, қоршаған орта үшін қауіпсіздікті, Қазақстан Республикасының ұлттық қауіпсіздігін, мемлекеттің мүліктік мүдделерін қорғауды қамтамасыз етуге бағытталған кәсіпкерлік қызметті мемлекеттік реттеу нысандарының бірі болып табылатындығына аударды.
«Жыл сайын біздің облыста жеті жүзден сегіз жүзге дейін өрт болады, онда 50-ге дейін адам қайтыс болады. Өрттердің негізгі объектісі, әрине, тұрғын үй секторы болып табылады, алайда жеке кәсіпкерлік объектілерінде болып жатқан өрттерден келтірілген залал тұрғын үйдегі өрттерден келтірілген залалға қарағанда әлдеқайда жоғары. Мысалы, 2020 жылы 733 өрт болды, бұл 2019 жылмен салыстырғанда 3% - ға көп. Оның ішінде 51-і жеке кәсіпкерлік нысандарында, олардың негізгі бөлігін өндірістік мақсаттағы объектілер мен сауда объектілері құрайды. 2021 жылдың басынан бері облыс аумағында 651 өрт тіркелді, оның ішінде бақылау объектілерінде 49 жағдай (негізінен бұл сауда және өндірістік мақсаттағы объектілер», - деп түсіндірді Урал Мұттахиденұлы.
Сондай-ақ, газ саласындағы проблемалық мәселелер туралы СҚО ТЖД төтенше жағдайлардың алдын алу бөлімінің бастығы азаматтық қорғау подполковнигі Сәкен Ағзамов баяндама жасады. Ол газ құрылғыларын пайдалану кезінде қауіпсіздік ережелерін бұзу салдарынан болатын өрттердің қауіптілігін түсіндірді.
«Ағымдағы жылдың басынан бері 9 өрт оқиғасы тіркелді, оның ішінде 1 жарылыс (20 адам жарақат алды, 4 адам қайтыс болды) газ құрылғыларын пайдалану кезінде қауіпсіздік ережелерін бұзу себебінен болды. Олар бірінші кезекте тұтынушылардың газ және газбен жабдықтау, өнеркәсіптік және өрт қауіпсіздігі саласындағы талаптарды елемеуі салдарынан орын алады», - деп келтірді Сәкен Серікұлы. Ол жиналғандарға облыс орталығында көп қабатты ғимараттарда және олардың жанында газ баллондарын пайдаланатын дәмханалар жұмыс істейтіндігін, бензин, дизель отыны, сұйытылған көмірсутекті газды өткізетін авто және газ құю станцияларының саны өсіп келе жатқанын хабарлады. Бұл ретте бөлімше бастығы өрттер, бірінші кезекте, тұтынушылардың газ және газбен жабдықтау, өнеркәсіптік және өрт қауіпсіздігі саласындағы талаптарды елемеуі салдарынан орын алатынын атап өтті. Халыққа газ желісі ұйымдарының және газ толтыру пункттері иелерінің міндеттері туралы ақпарат берілмеген, ал автогаз құю станцияларының (АГҚС) иелері «Газ және газбен жабдықтау туралы» Қазақстан Республикасының заңын бұза отырып, тұрмыстық газ баллондарын толтыруды жүзеге асырады.
Дөңгелек үстел барысында бизнес-қауымдастық өкілдеріне осы объектілерде өрт қауіпсіздігі ережелерінің талаптарын сақтау бойынша тиісті ұсынымдар берілді. Іс-шараға қатысқан СҚО бойынша өнеркәсіптік қауіпсіздік департаментінің басшысы Артур Молдағұлов пен «Петропавл қаласы әкімдігінің тұрғын үй инспекциясы бөлімі» КММ басшысы Аслан Ілиясов, сондай-ақ оның қатысушылары on-line режимінде ТЖ мен өрттің алдын алу үшін қабылданған шараларды және айтылған проблемалық мәселелерді шешу жолдарын талқылады.
Қорытындылай келе, Кәсіпкерлер палатасы директорының орынбасары және ТЖ Департаменті бастығының орынбасары осындай маңызды іс-шараның маңыздылығын атап өтіп, төтенше жағдайлар министрлігі мен СҚО ТЖ Департаменті аумақтық орган ретінде өз өкілеттіктері шеңберінде және Қазақстан Республикасының қолданыстағы заңнамасына сәйкес кәсіпкерлік қызмет объектілеріндегі өрт пен ТЖ қаупін азайту үшін барлық шараларды қабылдайтынын атап өтті .
СҚО ТЖД Мемлекеттік өрт
бақылау басқармасының бастығы,
азаматтық қорғау полковнигі Дмитрий Растихин