Қазақстан Республикасы Төтенше жағдайлар министрлігі Солтүстік Қазақстан облысының төтенше жағдайлар департаментінің психологиялық қызмет тобы туралы ереже

Қазақстан Республикасы Төтенше жағдайлар министрлігі

Солтүстік Қазақстан облысының төтенше жағдайлар департаментінің

психологиялық қызмет тобы туралы

ереже

 

  1. Жалпы ережелер

 

  1. Психологиялық қызмет тобы (бұдан әрі-топ) Қазақстан Республикасы Төтенше жағдайлар Министрлігі Солтүстік Қазақстан облысы Төтенше жағдайлар департаментінің (бұдан әрі – департамент) құрылымдық бөлімшесі болып табылады.
  2. Топтың штат саны департаменттің штат кестесімен айқындалады.
  3. Топ бас маман-психологтан тұрады.
  4. Топқа жалпы басшылықты департамент бастығы жүзеге асырады

 

2 тарау. Топтың негізгі міндеттері мен функциялары, құқықтары мен міндеттері

 

  1. Міндет:
  2. Төтенше жағдайлар кезінде халыққа шұғыл психологиялық көмек көрсету жөніндегі іс-шараларды ұйымдастыру және өткізу.
  3. Функциялар:

1) Төтенше жағдайлар аймағында халыққа шұғыл психологиялық көмек көрсету бойынша гарнизон бөлімшелерінің психологтарына басшылық ету;

2) Төтенше жағдайлар аймағында авариялық-құтқару қызметтерінің қызметкерлеріне шұғыл психологиялық көмек көрсету жөніндегі іс-шараларды жүргізу және ол аяқталғаннан кейін оңалту;

3) Төтенше жағдайлар кезінде телефондағы "Қауырт желі" жұмысын ұйымдастыру;

4) зардап шеккендерді, сондай-ақ төтенше жағдайда қаза тапқандар мен зардап шеккендердің туыстарын, жақындарын ақпараттық-психологиялық сүйемелдеу, оның ішінде медициналық көмек көрсету үшін денсаулық сақтау ұйымдарына жүгіну мүмкіндігі туралы анықтамалық ақпарат беру;

5) Департаментпен төтенше жағдайларда шұғыл психологиялық көмек көрсету бойынша іс-қимылдарды пысықтау бойынша жаттығу сабақтарын, командалық-штабтық және тактикалық-арнайы оқу-жаттығуларды жоспарлауға және өткізуге қатысу.

  1. Міндет:

1.Жеке құрамның кәсіби қызметіне психологиялық қолдау көрсету жұмыстарын ұйымдастыру.

  1. Функциялар:

1) қызметкерлердің, қызметке кандидаттардың жеке, зияткерлік сипаттамаларын зерделеу және кәсіби міндеттерді орындау мақсатында психодиагностикалық зерттеулер жүргізу;

2) жоғары тұрған лауазымдарға кадрлық резервті қалыптастыру үшін психодиагностикалық зерттеу жүргізу, ұсынымдар дайындау;

3) жеке құрамды кәсіби-психологиялық даярлау;

4) тереңдетілген психологиялық-педагогикалық назар аударуды талап ететін жеке құраммен жұмысты ұйымдастыру және жүзеге асыру ("байқау тобы»);

5) жеке құрамға психологиялық консультация беру;

6) қызметкерлер арасында аутоагрессивті мінез-құлық нысандарының (суицидтердің) алдын алу бойынша психологиялық жұмысты ұйымдастыру;

7) басшылар үшін жеке құраммен жұмыста тәртіпті бұзудың профилактикасы мен алдын алудың ұйымдастырушылық және әлеуметтік-психологиялық әдістерін қолдану жөнінде ұсынымдар әзірлеу;

8) кәсіби міндеттерді орындауды жұмылдыру үшін ұжымдармен және басшылық құраммен қызметтік (оқу) ұжымдарды біріктіру бойынша әлеуметтік психологиялық тренингтер, тимбилдинг ұйымдастыру және өткізу;

9) топтың құзыреті шегінде қызметтік тергеу жүргізуге қатысу;

10) өз құзыреті шегінде жеке және заңды тұлғалардың өтініштерін қарау;

11) Нормативтік құқықтық актілерде көзделген өзге де функцияларды жүзеге асыру.

  1. Топтың Құқықтары:

1) Департаменттің құрылымдық бөлімшелерінен жүктелген міндеттерді орындау үшін қажетті құжаттарды, анықтамалық және өзге де материалдарды сұрату және алу;

2) Департамент басшылығына кеңестерде топтың құзыретіне кіретін мәселелерді қарау туралы ұсыныстар енгізуге құқылы;

3) Қазақстан Республикасының заңдарында, Президенттің актілерінде және Қазақстан Республикасының Үкіметінде белгіленген өзге де құқықтар мен міндеттерді жүзеге асырады.

 

3 тарау. Топ қызметін ұйымдастыру

 

  1. Топ заңнамалық актілерге, Қазақстан Республикасы Президентінің актілеріне, Министрліктің бұйрықтарына, Қазақстан Республикасының өзге де нормативтік құқықтық актілеріне сәйкес өзінің негізгі міндеттері мен функцияларын іске асыру үшін қажетті өкілеттіктерге ие;
  2. бас маман-психологты департамент бастығы қызметке тағайындайды және қызметтен босатады;

 

  1. жүктелген міндеттер мен функцияларды орындау үшін, өз құзыреті саласында гарнизон психологтарының жұмысына жетекшілік етеді.

 

 

Дата публикации
19 февраля 2026