Меню
Иванников Кирилл Сергеевич, ұлты – украин, 1993 жылғы 10 қаңтарда Солтүстік Қазақстан облысы Қызылжар ауданының Прибрежное ауылында дүниеге келген.
Білімі жоғары. 2014 жылы Қазақстан Республикасы Ішкі істер министрлігінің Ішкі әскерлер әскери институтын «Ішкі әскерлердің командалық-тактикалық» мамандығы бойынша тәмамдаған. 2025 жылы Абай Мырзахметов атындағы Көкшетау университетін «Құқықтану» мамандығы бойынша бітірген.
Еңбек жолын 2014 жылы Ақмола облысы Төтенше жағдайлар департаментінің Азаматтық қорғаныс басқармасының аға офицері лауазымынан бастаған.
Қазақстан Республикасы Төтенше жағдайлар министрлігінің Ақмола және Солтүстік Қазақстан облыстарының Төтенше жағдайлар департаменттерінде орта және аға басшы құрамның әртүрлі лауазымдарында қызмет атқарған.
2026 жылғы 11 тамызда Солтүстік Қазақстан облысы Төтенше жағдайлар департаменті бастығының орынбасары лауазымына тағайындалды.
Төтенше жағдайлардың алдын алу және азаматтық қорғау саласында мол тәжірибесі бар.
Қызметтік қызметіндегі жоғары көрсеткіштері, төтенше жағдайлардың алдын алу бағытындағы қол жеткізген жетістіктері және Қазақстан Республикасының мемлекеттік азаматтық қорғау жүйесін дамытуға қосқан елеулі үлесі үшін ведомстволық наградалармен, грамоталармен және алғыс хаттармен марапатталған.