«Қауіпсіздік сенбілігі» акциясы өткізілді

Өткен демалыс күндері Шымкент қаласы ТЖ департаментінің азаматтық қорғаныс басқармасының қызметкерлері "Қауіпсіздік сенбілігі" акциясын ұйымдастырып өткізді. Ол су маңындағы көпшілік демалатын орындарда адамдардың қауіпсіздігін қамтамасыз етуге бағытталған.Ауа температурасының жоғары болуына байланысты қала тұрғындары демалыс күндері қала сыртына және қала аумағындағы демалыс орындарына жаппай демалуға келеді. Қала әкімінің қаулысымен туризм, спорт және демалыс орындары анықталды. Шомылу орындары-бұл Қошқар ата өзенінің бастауы, Тоғыс және Бадам су қоймаларындағы "Бадам-Рахат" демалыс аймақтары.  Қаланың санитарлық-эпидемиологиялық қызметінің арнайы рұқсаты болмағандықтан, карантин режимінде тұрғындарға шомылуға болмайды. Сондықтан ТЖ департаментінің қызметкерлері "Қауіпсіздік сенбілігі" акциясын өткізу барысында осы шараларды түсіндіріп, судағы қауіпсіздік ережелерін еске салды. ТЖ мобильді топтары мен волонтерлер қаланың Абай, Әл-Фараби, Еңбекші және Қаратау аудандарында орналасқан демалыс аймақтарында түсіндіру жұмыстарын жүргізді.Тоғыс, Бадам су қоймалары, Жайлаукөл көлі, А.Асқаров атындағы дендрологиялық саябағы, Қошқар ата өзенінің бастауы - барлығы 5 демалыс аймағы, Сайрамсу және Бадам өзендерінің бойында шомылуға тыйым салынған орындар, аквасаябақтар қамтылды. Демалуға келгендердің барлығына жадынамалар таратылды, оларға өткен шомылу маусымының статистикалық мәліметтері еске салынды. Өткен жылы карантиндік режимге қарамастан, суға батудың 4 жағдайы тіркелді. Барлық жағдайлар су маңындағы рұқсат етілмеген демалыс орындарында болды. Сондай-ақ, мобильді топтар судағы қауіпсіздік ережелері бар плакаттарды көрнекті жерде орналастырдыЖалпы акция барысында үгіт-насихат жұмыстарымен 600-ге жуық адам қамтылды. Іс-шараға ТЖ департаментінің  қызметкерлері, "Жас Отан" жастар қанатының еріктілері, Апаттар медицинасы орталығы филиалының қызметкерлері, жалпы 95 адам қатысты.