Тұрмыстағы өрттердің негізгі себептері – бұл ең алдымен ашық отпен ойнау, темекі тұқылын тастау, электр қондырғыларының ақауы. Мұның барлығы үлкен қауіп төндіреді. Сондықтан да, тұрмыстағы өрттердің алдын алу үшін қарапайым ережелерді сақтаудың маңызы зор екенін ұмытпаңыздар.
2020 жылғы 5 қыркүйекте сағат 16.13-те «101» қызметіне Шымкент қаласы, Қаратау ауданы, Сайрам тұрғын алабы, Сатыбалды көшесі бойындағы жеке тұрғын үйде өрт орын алды деген хабар келіп түсті. Оқиға орнына 4 өрт сөндіру техника, жеке құрамнан 14 қызметкер, сондай-ақ, Апаттар медицина орталығы филиалының 1 бригадасы жұмылдырылды. Өрттің салдарынан үйдің ауласында орналасқан қораның жалпы көлемі 100 шаршы метр шатыры, 25 дана сығымдалған шөп және 3 текше м. ағаш тақтай жанды. Өрт сағат 16:41-де оқшауланып, сағат 17:27-те толығымен сөндірілді. Өртте қайтыс болғандар мен зардап шеккендер жоқ. Анықтау бөлімі өрттің шығу себептерін анықтауда.
Шымкнент қаласы ТЖД ішкі және сыртқы коммуникациялар тобы