Шымкент қаласы әкімінің орынбасары - төтенше жағдайлардың алдын алу және оларды жою жөніндегі комиссия төрағасының орынбасары М.Айманбетовтің төрағалығымен өткен кезектен тыс отырыстың
№6 хаттамасы
30 маусым 2021 жыл Шымкент қаласы
Төрағалық еткен: Шымкент қаласы әкімінің орынбасары - төтенше жағдайлардың алдын алу және оларды жою жөніндегі комиссия төрағасының орынбасары Айманбетов Мәулен Зарлықұлы.
Қатысушылар: тізім бойынша.
- Шатырлардың қатты желден қирауы бойынша берілген тапсырмалар:
Шымкент қаласының қалалық орта сапасы және бақылау басқармасына (Ғ.Утенбаев):
- Жаңа және күрделі жөнделетін ғимараттар мен құрылыстардағы құрылыс жұмыстарының сапасына бақылау күшейтілсін.
Орындалу мерзімі:үнемі түрде.
- Жаңа және күрделі жөндеуден өткен ғимараттар мен құрылыстардағы қатты желден қираған әр оқиғасы бойынша комиссиялық тексерулер жүргізілсін. Кінәлі тұлғалар анықталған кезде жауапкершілікке тарту шаралары қолданылсын.
Орындалу мерзімі:тұрақты.
- Ағаштардың қатты желден құлауы бойынша берілген тапсырмалар:
Шымкент қаласының энергетика және инфрақұрылыды дамыту басқармасына (Б.Булатбеков), «Оңтүстік жарық» ЖШС-на:
- Қала аумағындағы талдарды күтіп ұстау жұмыстары (ескірген талдырды кесу және бұтақтарды қырқу) жүргізілсін.
Орындалу мерзімі: үнемі түрде
- Электр желілері үзілген кезде шұғыл түрде қалпына келтіру жұмыстары жүргізілсін.
Орындалу мерзімі: электр желілері үзілген кезде
- Жергілікті тұрғындарға ақпарат құралдары арқылы электр желілері істен шыққан кезде көмек көрсететін қызметтердің телефондары жариялансын.
Орындалу мерзімі: 3-күндік мерзім ішінде
- Қала аумағындағы өртке қарсы пирстер ретке келтіруге қатысты тапсырмалар:
Шымкент қаласының Еңбекші ауданының әкімі (Ғ. Ильясов), Абай ауданының әкімі (Б.Парманов), Әл-Фараби ауданының әкімі
(Р.Мыңбаев), Шымкент қаласының энергетика және инфрақұрылыды дамыту басқармасына (Б. Булатбеков) заң талаптарына сәйкес:
- Қала аумағындағы өртке қарсы пирстер ретке келтірілсін. Шымкент қаласының Төтенше жағдайлар департаментіне ақпарат ұсынылсын.
Орындалу мерзімі: 15 шілде.
- Ұлттық санақ аясында қала халқына өрт қауіпсіздігі қағидаларын жеткізу бойынша берілген тапсырмалар:
Ұлттық статистика бюросының Шымкент қаласы бойынша департаментіне (Е. Құлтаев), заң талаптарына сәйкес:
- Ұлттық санақты іске асыратын қызметкерлер тарапынан қала халқы арасында санақ жүргізу барысында өрт қауіпсіздігі қағидаларын сақтау тақырыптарындағы түбіртектері таратылсын.
Орындалу мерзімі:ұлттық санақ аяқталғанша.
Шымкент қаласының Төтенше жағдайлар департаментіне
(М. Жаксибаев)
- Ұлттық санақты іске асыратын қызметкерлерді өрт қауіпсіздігі қағидаларын сақтау тақырыптарындағы түбіртектермен қамтамасыз етілсін.
Орындалу мерзімі: 2021 ж.
- Қала аумағында «құтыру», «Конго-Қырым геморрогиялық қызбасы», «бруцеллез», «сібір жарасы» аурулары бойынша берілген тапсырмалар:
Шымкент қаласының Денсаулық сақтау басқармасы (Б.Позилов), Шымкент қаласының санитариялық эпидемиологиялық бақылау департаменті (А. Төлебаев), Шымкент қаласының ауыл шаруашылығы және ветеринария басқармасы (А. Қаныбеков) заң талаптарына сәйкес:
- Қала аумағында құтыру, Конго-Қырым геморрагиялық қызбасы, бруцеллез және сібір жарасы ауруының ықтимал жағдайларының алдын-алу мақсатында тиісті іс-шаралар қабылдасын. Атқарылған іс-шаралар туралы Шымкент қаласы Төтенше жағдайлар департаментіне ақпарат ұсынылсын.
Орындалу мерзімі: тұрақты түрде.
Шымкент қаласының білім басқармасына (Ж. Тажиева):
- Қала аумағында жас балалардың жазғы демалыс кезінде, үй жағдайында және лагерьлерде кене шағуын алдын алу мақсатында балалар мен ата-аналарға ауқымды түрде қауіпсіздік ережелерін түсіндіру бойынша жұмыстар жүргізілсін. Атқарылған іс-шаралар туралы Шымкент қаласы Төтенше жағдайлар департаментіне ақпарат ұсынылсын.
Орындалу мерзімі: жаз маусымында әр айдың 25-не дейін.
Хаттамалық тапсырмалардың орындалуы туралы ақпараттар көрсетілген мерзімде Шымкент қаласының Төтенше жағдайлар департаментіне ұсынылсын.
Шымкент қаласы әкімінің орынбасары–
төтенше жағдайлардың алдын алу
және оларды жою жөніндегі
комиссия төрағасының орынбасары М.Айманбетов
Хатшы: Е.Алагозов
тел.99-71-51