Автокөліктің отқа орануының негізгі себептері электр сымдарының қысқа тұйықталуы, салон ішінде шылым шегу кезіндегі абайсыздық, отынның, майдың ағуы және қызып тұрған қозғалтқыштың үстіне түсуі, қозғалтқышты жылыту үшін ашық отты пайдалану, электргазымен дәнекерлеу жұмыстарын жүргізу кезінде отты абайсыз қолдану болып табылады.
Осыған байланысты, Екібастұз қаласы ТЖ басқармасында автокөлік иелерімен үгіт-түсіндіру жұмыстары жүргізілді. Автокөлікке қызығушылық танытатын жандарға 2020 жылы 9 ай ішінде болған өрттер туралы, олардың ережелері мен өрт қауіпсіздігі туралы мәліметтер жеткізілді.
Өкінішке орай, көбісі өз автокөліктерінің өрт қауіпсіздігі туралы ойланбайды. Өрттен кейін автокөлікті жөндеу өзін жиі ақтамайды, ең дұрысы жаңадан сатып алу. Сондықтан автокөлік салонында өртсөндіргіш, дәрі қорапшасы болғаны абзал.
Өртті болдырмау үшін келесі өрт қауіпсіздігі ережелерін сақтау қажет.
-автокөліктің тораптары мен механизмдерін жарамды күйде ұстаңыз;
-аккумуляторларды тікелей көлік құралдарында, сондай-ақ үй-жайларда зарядтауға;
-гараждың ішін ашық отпен, сондай-ақ қолдан жасалған электр жылыту аспаптарымен жарықтандыру және жылытуға;
-гараж ішінде үй тұрмысындағы жанғыш материалдардан жасалған заттарды, сонымен қатар басқа жанғыш заттарды сақтауға жол бермеңіз;
-гараж ішінде шылым шегу тыйым салынады.
Екібастұз қаласының
ТЖБ азаматтық қорғау капитаны
Жомарт Майманов