Бүгін Өңірлік коммуникациялар қызметінде Қызылорда облысы төтенше жағдайлар департаменті Мемлекеттік өрт бақылау басқармасының бастығы азаматтық қорғау полполковнигі Бақтияр Тұрмановтың, Облыстық табиғи ресурстар және табиғат пайдалануды реттеу басқармасының басшысы Бауыржан Шәменовтің, Облыстық орман шаруашылығы және жануарлар дүниесі аумақтық инспекциясының бөлім басшысы Айбек Жолақановтың қатысуымен брифинг өтті.
Брифингтің тақырыбы: «Орман және дала өрттерінің алдын алу жұмыстары туралы».
Брифинг барысында Бақтияр Махамбетжанұлы: «2022 жылғы облыс бойынша орман қорында 28,09 га. құрайтын 7 өрт оқиғасы тіркелді. Осы есепті мерзімде облыс көлемінде елді-мекендерден тыс ашық алаңдарда, автожол бойы мен канал жағаларында қураған шөптердің жануынан көлемі 52 гектарды құрайтын 4 жану оқиғасы тіркелді»,-деп атап өтті.
Сондай-ақ, брифинг барысында Төтенше жағдайлардың алдын алу және жою жөніндегі комиссияның жұмысы, жоспарланған оқу-жаттығулар, жүргізілген профилактикалық жұмыстар, орман-дала алқаптарында минералды жолақтардың болуы, өрт сөндіру бекеттері мен ерікті өрт сөндіру жасақтарының жұмысы туралы мәліметтер айтылды.
Брифинг соңында спикер журналистердің сұрақтарына да жауап берді.
Қызылорда облысы ТЖД
Қоғаммен байланыс тобы