Бүгін Өңірлік коммуникациялар қызметінде Қызылорда облысы төтенше жағдайлар департаментінің бастығы полковник Руслан Қайрақбаевтың, Облыстық жұмылдыру дайындығы басқармасы басшысының орынбасары Бағдат Әлиевтің, «ҚАЗСУШАР» РМК Қызылорда облыстық филиалы директорының орынбасары Жорабек Ерназаровтың, Арал-Сырдария бассейіндік инспекциясы РММ-нің басшысы Сейілбек Нұрымбетовтың қатысуымен брифинг өтті.
Брифингтің тақырыбы: «Су тасу қаупінің алдын алу шаралары туралы».
Брифинг барысында Руслан Қайрақбаев: «Ағымдағы жылғы 22 наурызда Сырдария өзені толықтай мұздан тазартылды.
Облыс бойынша 2021-2022 ж.ж. қысқы-көктемгі су тасқынына қарсы шараларға қатыстырылатын күштер мен құралдардың құрамы: 1087 адам, 361 бірлік техника және 75 су сору мотопомпасы дайындыққа келтірілді. (ТЖД тарапынан 127 жеке құрам, 28 техника, 9 жүзу құралдары мен 36 мотопомпа). Халықты көшіруге арналған 83 эвакуациялық жинақтау және 102 қабылдау пункті дайындыққа келтірілді.»,-деді.
«Қазіргі уақытта Шардара су қоймасынан Сырдария өзенінің төменгі ағысына секундына 1000 м3 су келіп, оның секундына 450 м3 Көксарай су реттегіші алады. Облыс аумағына секундына 650 м3 дейін су келуде».
Брифинг соңында спикерлер журналистердің сұрақтарына да жауап берді.
Қызылорда облысы ТЖД
Қоғаммен байланыс тобы