Өңірлік коммуникациялар орталығында Қызылорда облысы ТЖД бастығының орынбасары азаматтық қорғау полковнигі Б.Ізбасаров пен Облыстық жұмылдыру дайындығы басқармасының басшысының орынбасары Б.Әлиевтің қатысуымен брифинг өтті.
Брифинг барысында Бауыржан Шірімбекұлы: «Қазіргі таңда Департаменттің 2021 жылғы 15 қазандағы «Өрт қауіпсіздігі сенбілігі туралы» тақырыбындағы №121 бұйрығына сәйкес Департаменттің және Полиция департаментінің қызметкерлерімен, қоғамдық бірлестіктердің волонтёрлермен бірлесіп, жылу беру маусымы кезеңінде өрттің алдын алу мақсатында профилактикалық үгіттеу–түсіндіру жұмыстары жүргізілуде.
Басты назар тұрмысы төмен, көпбалалы, жалғызбасты ана және мүгедек адамдары бар жанұяларға аударылды. Мұндай отбасылардың саны 7691. Олардың тұрғын үйлері толық араланып, түсіндірме жұмыстары жүргізілді.
2019 жылдан бастап 3 750 отбасысының тұрғын үйіне көмірқышқыл газын анықтайтын датчик орнатылды. Орнатылған датчиктер өз тиімділігін көрсетуде. Атап айтқанда, 3 отбасының өмірі мен мүлкін сақтап қалуға септігін тигізді.»
«Қазіргі таңда 4000 мыңға жуық отбасының тұрғын үйлеріне орнату үшін көмірқышқыл газын анықтайтын датчик сатып алу бойынша келісім жасалды.», - деді Бағдат Исламбекұлы.
Қызылорда облысы ТЖД