2021 жылдың 30 маусымында Өңірлік коммуникациялар қызметінде өткен брифингте Қызылорда облысы ТЖД бастығының орынбасары полковник С. Молдақараев «Су айдындарында қауіпсіздікті сақтау туралы» айтты.
Саид Шазындаұлы: “Облыс аумағымен өтетін Сырдария өзенінің ұзындығы 1274 шақырымды құрайды. Мұнан басқа 19 ірі канал, 220 шағын каналдар және 207 көл облыс аумағында орналасқан және 64 қауіпті учаске анықталған.
2021 жылдың басынан облыс аумағындағы су айдындарында 25 жағдай тіркеліп 29 адам қаза болды. (оның ішінде 17 бала)”.
531 рейд өткізіліп, 5450 адамға (697 бала) судағы қауіпсіздік ережесі жөнінде түсіндіріп, үнпарақтар таратылды.
ҚР Әкімшілік құқық бұзушылық туралы Кодексінің 364-бабы бойынша 22 адамға ескерту шарасы көрілді.
Жыл басынан балықшылардың заңсыз балық аулау кезінде қайғылы оқиғаға ұшырауы орын алуда. Осыған сәйкес «Экология, геология және табиғи ресурстар министрлігі балық шаруашылығы комитетінің Арал-Сырдария облысаралық бассейндік балық шаруашылығы инспекциясы» 139 жеке тұлғаға айыппұл салды.
Сұхбат барысында Саид Шазындаұлы көпшілікке су айдындарында қауіпсіздік қағидаларын қатаң сақтау қажеттілігін ескертті.
Брифинг соңында журналистердің сұрақтарына да жауап берілді.
Қызылорда облысы ТЖД
Қоғаммен байланыс тобы