2025 жылғы 11 айда өткізілген ТЖААК отырыстары бойынша  

Жыл сайын облыс аумағында болуы мүмкін төтенше жағдайлардың алдын алу, болдырмау және жою мақсатында Төтенше жағдайлардың алдын алу және оларды жою жөніндегі облыстық комиссиясының (Бұдан әрі-ТЖК) 2025 жылғы жұмыс жоспарына өзекті мәселелер енгізіліп, 2024 жылғы 25 желтоқсанда облыс әкімінің  міндетін атқарушымен бекітілді.  

Жоғарыда аталған ТЖК жоспарына сәйкес 2025 жылдың 11 айында Төтенше жағдайлардың алдын алу және жою жөніндегі облыстық комиссиясының  5 отырысы (3-жоспарлы, 2-жоспардан тыс) өткізіліп, отырыста 14 мәселе қаралды, Қызылорда қаласы мен аудандарда – 52 ТЖК отырысы өткізілді (111 тақырып қаралған).

Анықтама үшін:

1. Қызылорда қ. ТЖК – 3 жоспарлы, 2 жоспардан тыс;
2. Арал – 6 жоспарлы, 4 жоспардан тыс;
3. Қазалы – 4 жоспарлы 5 жоспардан тыс;
4. Қармақшы – 4 жоспарлы, 1 жоспардан тыс;
5. Жалағаш – 3 жоспарлы;
6. Сырдария – 4 жоспарлы, 1 жоспардан тыс;
7. Шиелі – 4 жоспарлы, 3 жоспардан тыс;
8. Жаңақорған – 4 жоспарлы 4 жоспардан тыс.

Жыл басынан бері облыстық ТЖК отырысында төмендегідей мәселелер қаралды:

1. «Су тасқынының алдын алу шаралары туралы» (2025 жылғы 03 ақпан);
2. «2025 жылғы көктемгі су тасқыны жағдайына дайындық жұмыстары және гидротехникалық құрылыстардың жай-күйі туралы» (2025 жылғы 03 наурыз);
3. «Орман және дала өрттерінің алдын алу туралы» (2025 жылғы 03 наурыз);
4. «Өртке қарсы сумен жабдықтаудың проблемалық мәселелері туралы» (2025 жылғы 03 наурыз);
5. «Конго-Қырым геморрагиялық қызбасының алдын алу шаралары туралы» (2025 жылғы 03 наурыз);
6. «Жазғы кезеңде суға шомылу маусымына дайындық шаралары туралы» (2025 жылғы 21 маусым);
7. «Сейсмикалық қауіпсіздік бойынша атқарылған жұмыстар және алға қойған мақсаттар туралы» (2025 жылғы 21 маусым);
8. «Балалардың терезеден құлауының алдын алу шаралары туралы»
   (2025 жылғы 21 маусым).
9. «Қыс мезгіліндегі қауіпсіздік шаралары» (2025 жылғы 2 қыркүйек).
10. «Табиғи және техногенді сипаттағы төтенше жағдай кезінде халықты және басқару органдарының құлақтандыру жүйесін қамтамасыз ету туралы» (2025 жылғы
    2 қыркүйек).
11. «Қауіпті өндірістік объектілердің орналасуына байланысты қауіпсіздік талаптарының сақталуы жөнінде» (2025 жылғы 2 қыркүйек).
12. «Облыс аумағында өрт қауіпсіздігін күшейту мақсатында жергілікті атқарушы органдармен құрылған және құрылатын өрт сөндіру пункттері туралы».
13. «Облыс аумағындағы қоқыс полигонының өрт қауіпсіздігі туралы».
14. «Әлеуметтік нысандар шатырлары құлауының алдын алу бойынша атқарылған жұмыстар туралы».

Төтенше жағдайлардың алдын алу және оларды жою жөніндегі комиссия отырысы хаттамаларының орындалысы тұрақты бақылауда.