Бүгін Қызылорда облысының Өңірлік коммуникациялар қызметінде брифинг өткізілді.
Тақырыбы: «Қыс-2025» облыстық командалық-штабтық оқу-жаттығуы туралы.
Спикер: Қызылорда облысы ТЖД бастығының орынбасары, полковник Әбдіқадыров Бекболат Қайырбекұлы.
Б.Әбдіқадыров: «Облыс әкімінің «Азаматтық қорғаудың басқару органдары мен күштерін дайындау жөніндегі 2024-2026 жылдарға арналған іс-шаралар жоспарын» орындау мақсатында 2025 жылғы 20-21 қарашада «Қыс-2025» облыстық командалық-штабтық оқу-жаттығуы Арал ауданында өткізілетін болады. Оқу-жаттығудың тақырыбы: «Қысқы кезеңдегі жағдайларда төтенше жағдайлардың алдын алу және жою жөніндегі іс-қимылдарға азаматтық қорғаудың мемлекеттік жүйесінің басқару органдары мен күштерін дайындау». Облыстың азаматтық қорғау қызметтері мен ұйымдарының іс-қимылдарын үйлестіру мақсатында облыстық штаб құрылады.«Дабыл-1001» сигналы түскеннен кейін азаматтық қорғаудың облыстық аумақтық кіші жүйесінің органдары мен күштері, облыстық, аудандық Төтенше жағдайлар комиссияларының мүшелері құлақтандырылады.
«Қарғын-2002» сигналына сәйкес оқу-жаттығудың практикалық бөлігі өткізіледі: Автокөлік жолындағы жол көлік оқиғасы. Іздестіру-құтқару жұмыстары. Су жүйесі ғимаратындағы авария.
Аталмыш оқу-жаттығуға 100-ге жуық авариялық-құтқару құрылымдарының құрамындағы 1000-ға жуық қызметкері және 300-ден аса техникасы жұмылдырылатын болады деп жоспарлануда.»
Соңында спикер журналистердің сауалдарына жауап берді.
Қызылорда облысы ТЖД