Бүгін Қызылорда облысының Өңірлік коммуникациялар қызметінде брифинг өткізілді.
Тақырыбы: «Қазандықтардың қауіпсіздігін сақтау туралы».
Спикер: Қызылорда облысы ТЖД Өнеркәсіптік қауіпсіздік басқармасы Қазандық, газ шаруашылықтары, көтергіш құрылыстар және нан өнімдері объектілерін мемлекетік бақылау және қадағалау бөлімінің басшысы Әкімниязов Ақылбай Дайрабайұлы.
А.Әкімниязов: «Жылу энергетикасы өнеркәсіптің барлық салалары мен халық өмірінің маңызды факторы. Оның негізі – қазандық қондырғылары. Тек олардың қауіпсіз жұмысы бүкіл жүйенің үздіксіз жұмыс істеуін қамтамасыз етеді. Яғни, апаттардың, жазатайым оқиғалардың алдын алу - қазандықтарды қауіпсіз пайдалану талаптарын сақтау.
Қазандық қондырғыларының оңтайлы және қауіпсіз жұмыс режимдері үшін жұмыс ортасының көптеген параметрлерін сақтау қажет.
Ұйым басшысы өндірістік бақылау жүйесін ұйымдастыру жолымен қазандықтарды жарамды қалпында және қауіпсіз шарттарын қамтамасыз етеді. Жабдық иесі жабдықтарды жарамды қалпында ұстауды және олардың жұмысының қауіпсіз шарттарын қамтамасыз етеді.
Ғимараттар мен үй-жайларға қазандықтарды және олармен өзара байланысты өзге де негізгі және қосалқы жабдықтарды пайдалануға қатысы жоқ адамдарды жібермеу қажет. Қажет болған жағдайларда бөгде адамдар көрсетілген ғимараттар мен үй-жайларға пайдаланушы ұйымның рұқсатымен және оның өкілінің сүйемелдеуімен ғана жіберілуі мүмкін.
Кезекшілікте тұрған машинистке (от жағушыға), қазандықтың операторына, суды қараушыға жабдық жұмыс істеп тұрған кезде технологиялық регламентпен қарастырылмаған қандай да бір жұмыстарды жүргізуді жүктеуге болмайды.
Жабдықты қазан жұмыс істеп тұрған кезде және қазанды тоқтатқаннан кейін де ондағы қысым атмосфералыққа дейін және жабдықтың температурасы 40оС төмендегенше қызмет көрсететін персонал жағынан тұрақты қараусыз қалдыруға болмайды.
Қазандық қондырғыларын қауіпсіз пайдалану мәселелерін реттейтін нормативтік құжаттардың бірі - Қазақстан Республикасы Инвестициялар және даму министрінің 2014 жылғы 30 желтоқсандағы № 358 бұйрығымен бекітілген «Қысыммен жұмыс істейтін жабдықтарды пайдалану кезінде өнеркәсіптік қауіпсіздікті қамтамасыз ету қағидалары».»
Қызылорда облысы ТЖД