Бүгін Өңірлік коммуникациялар қызметінде брифинг өткізілді.
Тақырыбы: «Суға түсу маусымының жабылуы туралы»
Спикер: Қызылорда облысы ТЖД ТЖ жою басқармасының бастығы азаматтық қорғау подполковнигі Досымов Жандос Ерланұлы.
Ж.Досымов: «Су айдындарында азаматтардың қауіпсіздігін қамтамасыз ету бағытында кешенді шаралар жүзеге асырылды. Алайда, оған қарамастан, жыл басынан бастап 25 адам су айдындарында қаза болды.
Жыл басынан бері өңірде тұрғындардың қауіпсіздігін арттыру, оқыс оқиғаның алдын алу жұмыстарын күшейту бойынша ауқымды профилактикалық іс-шаралар атқарылды. Биылғы маусымда облыс аумағында 795 рейд ұйымдастырылды. 31 мыңнан астам тұрғынға қауіпсіздік ережелері түсіндірілді. Бұл жұмысқа полиция, жергілікті атқарушы органдар және еріктілер тартылды. Су айдындарында 398 ескерту тақтайшасы орнатылды. Сонымен қатар, ҚР ӘҚБтК-нің 412-бабына сәйкес 48 адамға айыппұл шарасы көрілді. Полиция департаменті және балық инспекциясымен бірлескен жұмыстардың нәтижесінде құқық бұзушылық деректерінің алдын алу мүмкіндігі артты. Су айдындарындағы қауіпсіздік тек қана құтқарушылардың жұмысы емес, әрбір азаматтың жеке жауапкершілігі екенін ұмытпауымыз керек. Биылғы суға түсу маусымы ресми түрде жабылды. Дегенмен бұл кезеңнің аяқталуы қауіпсіздік ережелерін сақтамауға болады дегенді білдірмейді. Алдағы уақытта да түсіндіру және алдын алу шаралары үздіксіз жалғасын табады».
Қызылорда облысы ТЖД