Қызылорда облысының Өңірлік коммуникациялар қызметінде брифинг өткізілді.
Тақырыбы: «Өрт қауіпсіздігі саласында жедел ден қою шаралары туралы».
Спикер: Қызылорда облысының Төтенше жағдайлар департаментінің Мемлекеттік өрт бақылау басқармасы бастығының міндетін атқарушы азаматтық қорғау майоры Дастенов Арман Мамайұлы.
А.Дастенов:
««Премьер-Министрдің 2024 жылғы 17 мамырдағы «Қазақстан Республикасының кейбір заңнамалық актілеріне бизнес жүргізу мәселелері бойынша өзгерістер мен толықтырулар енгізу туралы» 2024 жылғы 6 сәуірдегі Қазақстан Республикасының Заңын іске асыру жөніндегі шаралар туралы» №68-ө өкімін іске асыру мақсатында Қазақстан Республикасының Төтенше жағдайлар министрлігі Өртке қарсы қызмет Комитеті заңды тәуелді актілерді енгізді. Жедел ден қою шарасының қолданылу мерзімі 60 күнтізбелік күн болып белгіленді.
Жедел ден қою шараларын қолдану тәртібі «Азаматтық қорғау туралы» Заңның 38-1-бабында баяндалған. Мәселен, мемлекеттік бақылауды жүзеге асыру барысында және нәтижелері бойынша өрт қауіпсіздігі саласындағы мемлекеттік инспектор, егер объектіні пайдалану жеке және заңды тұлғалардың конституциялық құқықтарына, бостандықтары мен заңды мүдделеріне, Қазақстан Республикасының ұлттық қауіпсіздігіне, адамдардың өмірі мен денсаулығына, қоршаған ортаға тікелей қатер төндірген жағдайда жедел ден қою шараларын қолданады».
Аталмыш брифингтің соңында спикер журналистердің қойған сұрақтарына да жауап берді.
Қызылорда облысы ТЖД