Бүгін Өңірлік коммуникациялар қызметінде брифинг ұйымдастырылды.
Тақырыбы: Мереке күндері күшейтілген режимде қызмет еткен мекемелердің қызметі туралы.
Спикерлер:
Қызылорда облысы ТЖД Дағдарыс жағдайларында басқарау басқармасының бастығы Досжан Исабек Болатұлы:
Облыстық денсаулық сақтау басқармасы Қызылорда облысының денсаулық сақтау басқармасының ана мен бала денсаулығын қорғау бөлімінiң басшысы Төлегенова Айгүл Асылбекқызы;
Қызылорда облысы әкімі аппаратының «Жедел әрекет ету орталығының» директоры Бүркітбаев Руслан Бейбітбекұлы.
И.Досжан: «Қызылорда облысы төтенше жағдайлар департаментінің 2023 жылдың 25 желтоқсанындағы №172 бұйрығына сәйкес департаменттің жеке құрамы «Жаңа жыл» мерекесі уақытында (2023 жылғы 30 желтоқсан-2024 жылғы 3 қаңтар аралығында) күшейтілген режимге көшірілді.
Департаменттің жауынгерлік есебінде: 171 қызметкер, 42 бірлік техника, 1 тікұшақ, 3 қайық, 1 кинологиялық есеп қызмет атқарды.
Аталмыш уақытта өңірде жағдай тұрақты болды.
Департаменттің құрылымдық бөлімдері 16 рет түрлі оқиғаларға шықты.
Өрттерге – 9 рет, өртке жатпайтын жану оқиғаларына – 10 рет,
Авариялық - құтқару жұмыстарына – 4 рет,
Өзге де оқиғаларға – 4 рет шықты.
Құлыпталып қалған пәтердің есігін ашып, 2 жасөспірімді құтқарды.
Жол-көлік оқиғасы салдарынан зардап шеккен 4 адамды ауруханаға жеткізді.
Облыс және аудан орталықтарында орналастырылған жаңа жылдық шыршаларға кезекшілік ұйымдастырылды, оқыс оқиғалар тіркелген жоқ.
«Қазгидромет» РМК Қызылорда облыстық филиалынан 2 рет дабылды ескерту тіркелді (тұман, көктайғақ).
«ҚазАвтоЖол» РМК Қызылорда облыстық филиалынан облыс аумағындағы республикалық маңызы бар автожолдардың жабылуы туралы ақпарат түскен жоқ.
Сырдария өзені бойынша:
Шардара су қоймасынан Сырдария өзенінің төменгі ағысына 400м3/сек су жіберіліп жатыр. Жаңақорған, Шиелі аудандарының тұстары мұздан таза, Қызылорда су торабынан жоғары Сырдария ауданына қарасты аумақтан төмен қарай мұз ұстасқан, мұздың қалыңдығы 5-30 см аралығында.»
А.Төлегенова: «1 қаңтарда сағат 00:00-ден таңғы 06:00-ге дейін облыста 9 нәресте дүниеге келді. Оның 4-еуі облыстық периниталдық орталықта туылса, қалған 5-еуі облыс деңгейіндегі босану бөлімшелерінде дүниеге келді. Дүниеге келген сәбилердің 5-еуі ұл бала, 4-еуі қыз бала. Қазіргі таңда жағдайлары жақсы. Дәрігерлердің бақылауында.»
Р.Бүркітбаев: «2023 жылдың 31 желтоқсаны – 2024 жылдың 2 қаңтары аралығында 600 өтінім келіп түсті (555 өтінімі орындалған, 45 өтінім регламентке сәйкес жұмыс барысында) оның ішінде:
– 146 электрмен жабдықтауға;
– 84 су жүйесіне;
– 53 жылу жүйесіне;
– 56 табиғи газға;
– 20 тұрғын үйге;
– 22 көше жарығына;
– 8 қала тазалығына;
– 5 ветеринарлық қызметіне;
– 4 қоғамдық көлікке;
– 202 анықтамалыққа қатысты хабарламалар келіп түсті.
Облыс бойынша жағдай тұрақты, ешқандай аппаттық қоңыраулар түскен жоқ.».
Қызылорда облысы ТЖД