Қазақстан Республикасы Төтенше жағдайлар министрлігі Қызылорда облысыныңТөтенше жағдайлар департаменті Ақпараттандыру, цифрландыру және байланыс бөлімшесі туралы ереже

 

ҚР ТЖМ Қызылорда облысы

Төтенше жағдайлар департаментінің

2021 жылғы «___» _______                               

 №__ бұйрығына____ қосымша

 

 

Қазақстан Республикасы Төтенше жағдайлар министрлігі

Қызылорда облысыныңТөтенше жағдайлар департаменті

Ақпараттандыру, цифрландыру және байланыс бөлімшесі туралы ереже

 

 

1. Жалпы ережелер

 

1. Ақпараттандыру, цифрландыру және байланыс бөлімшесі (бұдан әрі - Бөлімше) Қазақстан Республикасы Төтенше жағдайлар министрлігі (бұдан әрі - Министрлік)Қызылорда облысының Төтенше жағдайлар департаментінің (бұдан әрі - Департамент) құрылымдық бөлімшесі болып табылады.
2. Бөлімше өз қызметінде Қазақстан Республикасының Конституциясын, Қазақстан Республикасы Президентінің заңдарын және Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
3. Бөлімшесінің құрылымы мен штат саны Департаменттің штат кестесімен айқындалады.
4. Бөлімше:

• Бөлімше бастығы;
• Бас маман;
• Аға инспектор.

 

2. Бөлімшенің негізгі міндеттері, функциялары мен құқықтары

 

5. Міндеті: азаматтық қорғау органдарының бөлімшелерінде ақпараттандыру, цифрландыру және байланыс саласында бірыңғай техникалық саясатты жүзеге асыру.

Функциялары:

• қағидаттарды айқындайтын құжаттарды әзірлеуге қатысады және техникалық саясатты жетілдіру бағыттарын әзірлейді және ақпараттандыру, цифрландыру және байланыс желісі бойынша техникалық ерекшеліктерді келіседі;
• азаматтық қорғау органдары бөлімшелерінің мүдделерінде ақпараттандыру және байланыс саласындағы перспективалық әзірлемелер мен техникалық шешімдерді қарауды жүзеге асырады;
• ақпараттандыру, цифрландыру және байланыс мәселелері жөніндегі техникалық-сарапшылық кеңес секциясының қызметіне қатысады;
• Департаменттің құзыретіне кіретін мәселелер бойынша азаматтық қорғау органдарының бөлімшелеріне әдістемелік және практикалық көмек көрсетеді;
• бөлімшенің құзыретіндегі мәселелерді регламенттейтін нормативтік құқықтық актілердің мониторингін жүзеге асырады, оларды өзектендіру бойынша шаралар қабылдайды;
• жұмыс топтарының және басқа да кеңесші органдардың қызметіне, бөлімшенің құзыретіне кіретін мәселелер бойынша кеңестерге және өзге де
  іс-шараларға қатысады;

6. Міндеті:Ақпараттандыру, цифрландыру және байланыс саласындағы азаматтық қорғау органдары бөлімшелерінің қызметін дамыту және техникалық қамтамасыз ету.

Функциялары:

1) ақпараттандыру және байланыс жүйелерін дамыту, оларды бейбіт және соғыс уақытында пайдалануға әзірлікте ұстау;

2) азаматтық қорғау органдарының ақпараттандыру және байланыс құралдарына қажеттілікті айқындау жөнінде ұсыныстар дайындау;

3) ақпараттандыру, цифрландыру және байланыс желісі бойынша Департаменттің бюджеттік өтінімін қалыптастыру;

4) азаматтық қорғау органдарының бөлімшелерінде ақпараттандыру және байланыс құралдарының жұмыс істеуін қамтамасыз етеді;

5) ведомстволық ақпараттық ресурстарға және басқа мемлекеттік органдардың ақпараттық ресурстарына қол жеткізудің техникалық мүмкіндігін қамтамасыз етеді;

6) Департамент мәжілістерін техникалық сүйемелдеуді қамтамасыз етеді;

7) күштер мен құралдарды басқару үшін байланысты ұйымдастыру жөніндегі іс-шараларға қатысады және қауіп төнген кезде азаматтық қорғау органдары бөлімшелерінің құрылымдарымен Төтенше жағдайлар туындаған кезде, сондай-ақ күнделікті қызмет режимінде;

8) құрылымдық бөлімшелермен бірлесіп ақпараттандыру саласындағы уәкілетті органмен келіседі;

7. Міндеті:Департаментте ақпараттық қауіпсіздікті қамтамасыз ету.

Функциялары:

1) Департаменттің ақпараттық-телекоммуникациялық ортасының тұтастығын қамтамасыз етеді;

2) ақпараттық қауіпсіздікті қамтамасыз ететін басқа да мемлекеттік және мемлекеттік емес қызметтермен өзара іс-қимылды жүзеге асырады;

3) Департаменттің ақпараттық-телекоммуникациялық инфрақұрылымының жай-күйіне, әзірлігіне және тәуекелдерінің болуына талдау жүргізеді;

4) азаматтық қорғаудың мемлекеттік жүйесінің корпоративтік ақпараттық-коммуникациялық жүйесінің, ахуалдық-дағдарыс орталықтарының жұмыс істеуін қамтамасыз етеді;

8. Міндеті:Халықты хабардар ету жүйесін дереу пайдалануға тұрақты әзірлікті құру және қамтамасыз ету, оны жарақтандыру және дамыту.

Функциялары:

1) халықты құлақтандыру жүйесіне техникалық қызмет көрсетуді ұйымдастыру;

2) облыс аумағында халықты хабардар ету құралдарының есебін жүргізу;

3) халықты хабардар ету жүйесін дамыту және жетілдіру жөнінде ұсыныстар әзірлеу;

4) халықты хабардар ету жүйелерін енгізу мәселелері бойынша Департамент бөлімшесінің қызметін ұйымдастыру және үйлестіру;

5) халықты хабарландыру бойынша жаттығуларды жоспарлау және өткізу;

6) электр дабылдарының (сиреналық-сөйлеу қондырғыларының) және оларды іске қосу жөніндегі тиісті жабдықтардың ақаусыздығына жоспарлы техникалық тексерулер жүргізу.

9. Құқықтары мен міндеттері.

Бөлімше өз құзыреті шегінде мыналарға құқылы:

1) бөлімшенің құзыретіне кіретін мәселелер бойынша ұсыныстарды, анықтамалық және талдамалық материалдарды, нормативтік құқықтық актілердің жобаларын әзірлеу және Департамент басшылығына бекітуге енгізу;

2) қызметті ұйымдастыру үшін қажетті мәліметтерді Департаменттің құрылымдық бөлімшелерінен сұрату;

3) өз құзыреті шегінде Департаменттің аумақтық бөлімшелеріне және ведомстволық бағынысты ұйымдарына қатысты ұйымдастырушылық-өкімдік функцияларды жүзеге асыру;

4) бөлімшенің құзыретіне кіретін Қазақстан Республикасының мемлекеттік органдарымен және мемлекеттік емес ұйымдарымен өзара іс-қимыл жасау.

Бөлімшенің міндеттері:

1) Қазақстан Республикасының Конституциясын және заңнамасын сақтау;

2) қойылған міндеттерге сәйкес өз құзыреті шегінде өзге де міндеттер белгіленеді.

 

3. Бөлімшенің қызметін ұйымдастыру

 

10. Бөлімше заңнамалық актілерге, Қазақстан Республикасы Президентінің актілеріне, Қазақстан Республикасының өзге де нормативтік құқықтық актілеріне сәйкес өзінің негізгі міндеттері мен функцияларын іске асыру үшін қажетті өкілеттіктерге ие.
11. Бөлімшені Қазақстан Республикасының заңнамасында белгіленген тәртіппен лауазымға тағайындалатын және лауазымнан босатылатын бастық басқарады.
12. Бөлімше бастығы бөлімшенің қызметіне жалпы басшылықты жүзеге асырады және бөлімшеге жүктелген міндеттердің орындалуы мен оның өз функцияларын жүзеге асыруы үшін дербес жауапты болады.
13. Бөлімше бастығы Департамент басшылығына бөлімшенің құрылымы мен штаты бойынша ұсыныстар береді.
14. Осы мақсатта бөлімше бастығы:

1) Бөлімше қызметкерлерінің міндеттері мен өкілеттіктерін айқындайды;

2) заңдарға және Қазақстан Республикасы Президентінің актілеріне сәйкес өзге де өкілеттіктерді жүзеге асырады.

15. Қажет болған жағдайда бөлімше осы Ережеге өзгерістер мен толықтырулар енгізеді.

 

 

_________________________________________

Дата публикации

21 апреля 2021