Қазақстан Републикасы Төтенше жағдайлар министрлігі Төтенше жағдайлар Департаменті Төтенше жағдайларды жою бөлімінің ЕРЕЖЕСІ

ҚР ТЖМ Қызылорда облысы

Төтенше жағдайлар департаментінің

2020жылғы  «__» __

№ ___бұйрығына

қосымша №__

 

 

Қазақстан Републикасы Төтенше жағдайлар министрлігі

Төтенше жағдайлар Департаменті

Төтенше жағдайларды жою бөлімінің

 ЕРЕЖЕСІ

 

  1. Жалпы ережелер

 

  1. Қазақстан Республикасы Төтенше жағдайлар министрлігі (бұдан әрі – Министрлік) Қызылорда облысы Төтенше жағдайлар Департаментінің (бұдан әрі – Департамент) Төтенше жағдайларды жою бөлімі (бұдан әрі - бөлім) Департаменттің құрылымдық бөлімшесі болып табылады.
  2. Бөлім өз қызметіндеҚазақстан Республикасының Конституциясын, Қазақстан Республикасының заңдарын, ҚР Президенті мен Үкіметінің актілерін, Министрліктің бұйрықтары мен нұсқауларын, өзге де нормативтік құқықтық актілерді, сондай-ақ осы Ережені басшылыққа алады.
  3. Бөлімнің құрылымы, штат саны Министрлік бекіткен Департаменттің штат кестесімен айқындалады. Бөлім қызметкерлерінің лауазымдық нұсқаулықтарын Департамент бастығының жетекшілік ететін орынбасары бекітеді.
  4. Бөлімнің штаттық саны мыналардан тұрады:

1) Бөлім бастығы;

2) Бөлімнің бас маманы;

3) Бөлімнің аға инженері;

4) Бөлімнің инженері.

 

 

  1. Бөлімнің негізгі міндеттері, функциялары,

құқықтары мен міндеттері

 

  1. Міндеттері:

1) төтенше жағдайларды жою бөлігінде азаматтық қорғау саласындағы мемлекеттік саясатты қалыптастыру және іске асыру;

2) авариялық-құтқару жұмыстарын ұйымдастыру және жүргізу.

 

  1. Функциялары:

1) төтенше жағдайларды жою саласында мемлекеттік саясаттың негізгі бағыттарын әзірлеу, азаматтық қорғаудың мемлекеттік жүйесінің жұмыс істеуін және одан әрі дамуын қамтамасыз ету;

2) Министрліктің Стратегиялық жоспарының нысанды индикаторларына қол жеткізу бойынша Қызылорда облысының мүдделі басқару органдарымен сектораралық келісімдерінде көзделген іс-шараларды қалыптастыруды іске асыру;

3) төтенше жағдайларды жоюға жедел ден қою мәселелері бойынша шекаралас облыстармен ынтымақтастыққа қатысу;

4) төтенше жағдайларды жою және жетекшілік етілетін ведомстволық бағынысты ұйымдар қызметі саласында нормативтік құқықтық актілерді және әдістемелік нұсқауларды әзірлеу мен келісу. Бөлім құзыретіне кіретін мәселелер бойынша Департамент бастығының Кеңес отырысына материалдар, мекемелерге ақпарат, анықтамалар, шолу дайындауға қатысу;

5) төтенше жағдайларды жою үшін Департаменттің кәсіби  авариялық-құтқару күштері мен құрамаларының («Өрт сөндіру және авариялық-құтқару жұмыстары қызметі») даму жағдайын талдау;

6) қызметтік жұмысының бағыты бойынша жыл сайынғы талдаулар жүргізу;

7) қажетті қауіпсіздік, төтенше жағдайларды жою жөніндегі шаралар туралы мемлекеттік органдарды, халықты және ұйымдарды хабардар ету;

8) төтенше жағдайларды жою саласындағы жедел жоспарлау мәселелері бойынша Департаменттің авариялық-құтқару қызметінің(«Өрт сөндіру және авариялық-құтқару жұмыстары қызметі») қызметіне басшылық ету;

9) төтенше жағдайларды жою жөніндегі іс-қимылдар жоспарларын әзірлеу;

10) Департаменттің аппараты, оның ішінде Департаменттің кәсіби авариялық-құтқару қызметтерімен және құрылымдарымен өткізетін оқу-жаттығуларды, штабтық жаттығуларды жоспарлау, әзірлеу, дайындау;

11) «Қазқұтқару» құтқару бөлімшелерінің жиын-семинарларына қатысуды ұйымдастырады;

12) «Жас құтқарушы» үйірмелерінің жұмысын ұйымдастыру;

13) өз құзыреті шегінде төтенше жағдайларды жоюға басшылықты жүзеге асыру;

14) қолданыстағы заңнамаға сәйкес төтенше жағдайларды жою кезінде ұйымдардың материалдық-техникалық ресурстарын жұмылдыру;

15) табиғи және техногендік сипаттағы төтенше жағдайларды жою жөніндегі іс-шараларды ұйымдастыру және жүргізу кезінде азаматтық қорғау күштеріне басшылық ету жөнінде ұсыныстар дайындау;

16) төтенше жағдайлар кезінде авариялық-құтқару және кезек күттірмейтін жұмыстарды жүргізуді ұйымдастыру;

17) Департаменттің жедел-құтқару жасағын («ӨСжАҚЖҚ» ММ) төтенше жағдайларды жоюға дайындау және әзірлікте ұстау;

18) Департаменттің төтенше жағдайларды жоюға қажетті күштері мен құралдарының санын айқындау;

19) «Қазавиақұтқару» акционерлік қоғамын тарта отырып, құтқару-іздестіру жұмыстарын жүргізуге қатысу;

20) төтенше жағдайларды жою саласындағы әлемдік тәжірибені зерделеу және қолдану;

21) «Өрт сөндіру және авариялық-құтқару жұмыстары қызметі» мемлекеттік мекемесі мен «Қазавиақұтқару» акционерлік қоғамының жедел-қызметтік жұмысына әдістемелік басшылықты жүзеге асыру және үйлестіру;

22) Қазақстан Республикасының ҰҚК Қызылорда облысы және Байқоңыр қаласы бойынша департаменті Терроризмге қарсы орталығымен өзара іс-қимыл мәселелері бойынша Департаменттің қызметін ұйымдастыру;

23) Қазақстан Республикасы Мемлекеттік күзет қызметі жүргізетін күзет іс-шараларын ұйымдастыруға және өткізуге қатысу;

24) Өз құзыреті шегінде Департаменттің аумақтық бөлімшелерінің мынадай жұмыстарын  ұйымдастырады:

 «Байқоңыр» ғарыш айлағынан зымыран тасығыштарды ұшыруға байланысты төтенше жағдайларға ден қою;

шомылу маусымдарында және күзге, қысқы кезеңдерде облыстың су айдындарында адамдардың қаза болуын болдырмау жөніндегі түсіндіру жұмыстарын жүргізу.

25) «Өрт сөндіру және авариялық-құтқару жұмыстары қызметі» және «Қазавиақұтқару» акционерлік қоғамының жедел-қызметтік жұмысын тексеруге қатысады.

26) өңірлік ауқымдардағы төтенше жағдайларды жою жөніндегі іс-қимылдар жоспарларын әзірлеу және оларды Қызылорда облысының әкімдігіне бекітуге ұсыну үшін Департамент басшылығына енгізу;

 

  1. Бөлімнің құқықтары мен міндеттері:

Негізгі міндеттерін және функцияларын іске асыру мақсатында Бөлім өз құзыреті шегінде құқылы:

  • Департаменттің аумақтық органдарынан және кәсіби авариялық-құтқаруқызметтері мен құралымдарынан жүктелген міндеттерді орындауға қажетті құжаттар, анықтамалық және өзге материалдар сұратуға және алуға;
  • төтенше жағдайлар туындағанда ақпараттық-аналитикалық материалдарды дайындау үшін Департаменттің аумақтық органдарының және кәсіби авариялық-құтқару қызметтері мен құралымдарының қызметкерлерін қатыстыру;
  • Бөлім құзыреті шегінде оған жүктелген функцияларды іске асыру үшін өзге де құқықтарды жүзеге асыру.
  • Қазақстан Республикасы Конституциясының және заңнамасының талаптарын мүлтіксіз сақтау;
  • Бөлім құзыретіне кіретін мәселелерді Кеңесте қарастыру туралыДепартамент бастығы мен Департамент бастығы жанындағы Кеңеске ұсыныстар енгізу;
  • Бөлім құзыретіне кіретін мәселелер бойынша Департамент бастығы жанындағы Кеңес жұмыстарына және аумақтық органдар өткізетін басқа да кеңестерге қатысуға;
  • Департаменттің аумақтық органдарының және ведомстволық бағыныстыұйымдарының жұмыс жағдайына мақсатты және тақырыптық тексерулерді жүзеге асыру, кешенді тексерулерді дайындауға және жүргізуге қатысу;
  • тексерулер мен қызметтік тексерулердің нәтижелері бойынша Бөлім құзыретіне кіретін мәселелер бойынша бөлімшелердің қызметіне баға беру;
  • Департаменттің кәсіби авариялық-құтқару кызметтері мен құралымдарының басшыларымен семинарлар және кеңестер өткізу;
  • төтенше жағдайларды жою бойынша іс-шараларды ұйымдастыру жәнежүргізу туралы қалалық ТЖБ мен аудандық Төтенше жағдайлар бөлімдерінің басшыларын тыңдау;
  • төтенше жағдайларды жою бойынша жүргізілген іс-шараларды зерделеу үшін Департаменттің аумақтық органдарына және кәсіби авариялық-құтқару қызметтері мен құрылымдарына бару;

 

 

  1. Бөлім қызметін ұйымдастыру

 

  1. Бөлім Қазақстан Республикасының заңнамалық актілеріне, Президентінің актілеріне, Қазақстан Республикасының өзге де нормативтік құқықтық актілеріне сәйкес өзінің негізгі міндеттері мен функцияларын іске асыру үшін қажетті өкілеттіктері бар.
  2. Бөлімді Қазақстан Республикасының заңнамасында белгіленген тәртіппен Департамент бастығы лауазымға тағайындайтын және лауазымнан босататын бастық басқарады.
  3. Бөлім бастығы бөлім қызметіне жалпы басшылықты жүзеге асырады және бөлімге жүктелген міндеттердің орындалуы мен оның өз функцияларын жүзеге асыруына дербес жауапты болады.
  4. Бөлім бастығы Департамент басшылығына бөлімнің құрылымы мен штат кестесі бойынша ұсыныстар береді.
  5. Бастық осы мақсатта:

1) Бөлімнің құрамындағы қызметкерлерінің міндеттері мен өкілеттіктерін айқындайды;

2) Департамент бастығы белгілеген өзге де өкілеттіктерді жүзеге асырады;

3) Департамент бастығына бөлім қызметкерлерін марапаттауға, көтермелеуге және сыйлықақы беруге ұсынады;

4) Қазақстан Республикасының заңнамасына сәйкес өзге де өкілеттіктерді жүзеге асырады;

  1. Бөлім құзыретіне кіретін мәселелер бойынша Бөлім атынан Департаменттің құрылымдық бөлімшелеріне жіберілетін құжаттарға Бөлім бастығы, ал ол болмаған жағдайда – оны алмастыратын адам қол қояды.

 

 

__________________________

Қазақстан Републикасы Төтенше жағдайлар министрлігі Төтенше жағдайлар Департаменті Төтенше жағдайларды жою бөлімінің ЕРЕЖЕСІ
Дата публикации
21 апреля 2021