Қазақстан Республикасы Төтенше жағдайлар министрлігі Қызылорда облысының Төтенше жағдайлар департаментінің Қаржылық қамтамасыз ету басқармасы туралы ереже

Қазақстан Республикасы

Төтенше жағдайлар министрілігі

Қызылорда облысының Төтенше

жағдайлар департаменті бастығының

2021 жылғы «___»____________

№ ___ бұйрығына

№ ____ қосымша

 

 

Қазақстан Республикасы Төтенше жағдайлар министрлігі

Қызылорда облысының Төтенше жағдайлар департаментінің

Қаржылық қамтамасыз ету басқармасы туралы

ереже

 

1-тарау. Жалпы ережелер

 

  1. Қазақстан Республикасы Төтенше жағдайлар министрлігі Қызылорда облысының Төтенше жағдайлар департаментінің Қаржылық қамтамасыз ету басқармасы (бұдан әрі – Басқармасы) Қазақстан Республикасы Төтенше жағдайлар министрлігінің (бұдан әрі – Министрлік) әкімшілендіретін бюджеттік бағдарламалар бойынша бюджет шығыстарын жоспарлау және орындау, бухгалтерлік есепті ұйымдастыру, Департаменттің қаржыландыру жөніндегі жұмысты үйлестіретін және жүзеге асыратын құрылымдық бөлімшесі болып табылады.
  2. Басқарма өз қызметінде Қазақстан Республикасының Конституциясы мен заңдарын, Қазақстан Республикасының Президенті мен Үкіметінің актілерін, Қазақстан Республикасы Төтенше жағдайлар министрінің өкімдерін және бұйрықтарын және өзге де нормативтік құқықтық актілерді, сонымен қатар осы Ережені басшылыққа алады.
  3. Басқарманың құрылымы мен штат саны Департаменттің штаттық кестесіне сәйкес айқындалады.

 

 

2-тарау. Басқарманың негізгі міндеттері,

функциялары, құқықтары мен міндеттері

 

  1. Міндеті: Қазақстан Республикасы Төтенше жағдайлар министрлігі әкімшілік ететін республикалық бюджеттік бағдарламалар бойынша шығыстарды тиісті қаржы кезеңіне жоспарлау.

Функциялары:

1) Департаменттің ведомстволық бағынысты басқарма және бөлімдердің бюджеттік өтінімдері негізінде тиісті қаржы кезеңіне арналған бюджеттік өтінімін қалыптастыру;

2) Қазақстан Республикасы Төтенше жағдайлар министрлігінде бюджеттік өтінімді қорғауды қамтамасыз етеді.

 

 

  1. Міндеті: Азаматтық қорғау органдарын мемлекеттік бюджеттен қаржыландыру рәсімін тиімді және мақсатты жүргізу.

          Функциялары:

1) Республикалық және жергілікті бюджеттен бөлінген қаражаттың уақытылы игерілуін қамтамасыз етеді;

2) Міндеттемелер мен төлемдер бойынша бюджеттік бағдарламаларды қаржыландырудың жеке жоспарларына өзгерістер енгізу үшін өтінімдерді әзірлеу және ұсыну;

3) Нақты шығыстардың айқындау мақсатында міндеттемелер мен төлемдер бойынша қаржылық жоспарларды нақтылауды жүргізеді.

 

  1. Міндеті: Қолданыстағы нормативтік құқықтық актілерге сәйкес бухгалтерлік есепті ұйымдастыру.

          Функциялары:

1) жарты жылдық және жылдық бюджеттік есептілікті жасауды, бюджеттік бағдарламаларды іске асырудың бюджеттік мониторингін, дебиторлық және кредиторлық берешек туралы жедел есептерді және т.б. есептілікті құрастыруды, оларды белгіленген мерзімде жоғары орналасқан органдарға ұсынуды жүзеге асырады;

2) Министрліктің бухгалтерлік есебін ұйымдастыру және жүргізу (негізгі құралдар мен тауар-заттай құндылықтардың қабылдап, есептен шығару жөнінде алғашқы бухгалтерлік құжаттарды жасау, ұсынылған ақаулы актілері, материалдық жауапты тұлғалардан сараптама актілері негізінде негізгі құралдарды есептен шығаруға актілерді қалыптастыру және оларды бухгалтерлік есепте жүргізу);

3) Тылдық қамтамасыз ету тобының талап-хаттарының негізінде жеткізушілер енгізген қамтамасыз ету сомаларын Департаметтің депозиттік шотына қайтару жұмыстарын жүргізу;

4) ұзақ мерзімді активтердің, қорлардың, ақша қаражатының және басқа да активтердің іс жүзінде болуын анықтау үшін әрбір материалдық жауапты тұлға бойынша жылдық түгендеу жүргізу туралы бұйрық, түгендеу тізімдемелерін жүргізу туралы бұйрық жасау және ұзақ мерзімді активтердің, қорлардың, ақша қаражатының және басқа да активтердің іс жүзінде болуын бухгалтерлік есеп деректерімен салыстыру, сондай-ақ түгендеу қорытындылары туралы Департамент бойынша хаттаманы ресімдейді;

5) қызметкерлерге материалдық көмек көрсету, жоспарлау, қаржыландыру мәселелері бойынша бұйрық жобаларын дайындау.

 

  1. Міндеті: Қазақстан Республикасының заңдары мен өзге де нормативтік құқықтық актілерінің жобаларын дайындауға қатысу.

         Функциялары:

1) құқықтық актілердің жобаларын әзірлеуге өз құзыреті шегінде ұсыныстар дайындайды;

2) нормативтік құқықтық актілерді және Басқармаға қатысты құқықтық актілерді дайындайды.

 

 

  1. Міндеті: қаржы-шаруашылық қызмет саласындағы жұмысты үйлестіру.

Функциялары:

1) азаматтық қорғау органдары жүйесінде жоспарлау және қаржыландыруды ұйымдастыру, қолданыстағы еңбекақы төлеу шарттарын қолдану және бухгалтерлік есеп пен есептілікті жүргізу мәселелері бойынша әдістемелік басшылық ету;

2) Басқарма құзыретіне кіретін мәселелер бойынша азаматтардың хаттарын, шағымдары мен өтініштерін қарайды.

 

  1. Құқықтары мен міндеттері:

1) Департаметтің құрылымдық бөлімшелерінен және қызметкерлерден қаржы-шаруашылық қызметі және материалдық құндылықтар мен ақша қаражатын пайдалануда мемлекеттік тәртіпті сақтау мәселелері бойынша қажетті мәліметтерді,  анықтамалар мен түсіндірмелерді және жүктелген міндеттерді орындау үшін қажетті басқа да мәліметтерді белгіленген тәртіппен сұрату және алу;

2) қолданыстағы бюджеттік заңнамаларды ұстана отырып, Департамент бастығының берілген өкілеттік шегінде қаржылық қорлармен иелік ету және екінші қол арқылы банктік, есептік және басқа да қаржылық құжаттарға қол қою;

3) Қазақстан Республикасы Қаржы министрлігінің аумақтық Қазынашылық органдарында бюджеттік және депозиттік есепшоттарды ашуға  құжаттарды дайындау;   

4) Департамент атынан Қазақстан Республикасының мемлекеттік елтаңбасы көрсетілген шаруашылық және қаржылық құжаттарға арналған мөрді қолдану;

5) басқа органдармен және ұйымдармен техникалық көмек пен ынтымақтастықты қоса алғанда, қолданыстағы жүйелер мен нысандар арқылы Департамент қызметкерлерінің біліктілігін арттыру бойынша ұсыныстар енгізу; 

6)  орталық атқарушы органдармен, басқа да мемлекеттік органдар және ұйымдармен өзара іс-қимыл жасау.

  1. Қазақстан Республикасының заңнамасына, нормативтік құқықтық актілеріне сәйкес өзге де құқықтар мен міндеттерді жүзеге асыру.

 

 

3-тарау. Басқарманың қызметін ұйымдастыру

 

  1. Басқарма заңнамалық актілерге, Қазақстан Республикасы Президентінің актілеріне, Қазақстан Республикасының өзге де нормативтік құқықтық актілеріне, Қазақстан Республикасы Төтенше жағдайлар министрінің өкімдеріне және бұйрықтарына сәйкес өзінің негізгі міндеттері мен функцияларын іске асыру үшін қажетті өкілеттіктерге ие.
  2. Басқарманы Басқарма басшысы басқарады, оны Департамент бастығы қызметке тағайындайды және қызметтен босатады.
  3. Басқарма басшысы Басқарманың жұмысын ұйымдастырады және басқарады, Басқармаға жүктелген міндеттердің орындалуы мен оның өз функцияларын жүзеге асыруы үшін дербес жауапты болады.
  4. Осы мақсатта Басқарма басшысы:

1) Басқарма құрамына кіретін қызметкерлерінің міндеттері мен өкілеттіктерін белгілейді.

2) заңдарға және Қазақстан Республикасы Президентінің актілеріне сәйкес өзге де өкілеттіктерді жүзеге асырады.

  1. Басқарма құзыретіне кіретін мәселелер бойынша Басқарма атынан Департаметтің басқа құрылымдық бөлімшелеріне жіберілетін құжаттарға Басқарма басшысы, ал ол болмаған жағдайда оны алмастыратын адам қол қояды.

 

 

4-тарау. Басқарманың лауазымды тұлғаларының жауапкершілігі

 

  1. Басқарманың лауазымды тұлғалары заңнамада белгіленген тәртіппен Қазақстан Республикасы заңнамасының сақталуы және оларға жүктелген міндеттердің орындалуы және Қазақстан Республикасының қолданыстағы заңнамасына сәйкес олардың өз функцияларын жүзеге асыруы үшін жауапты болады.
  2. Қажет болған жағдайда Басқарма осы Ережеге өзгерістер мен толықтырулар енгізуге бастамашылық жасайды.

 

 

________________________

 

 

Қазақстан Республикасы Төтенше жағдайлар министрлігі Қызылорда облысының Төтенше жағдайлар департаментінің Қаржылық қамтамасыз ету басқармасы туралы ереже
Дата публикации
20 апреля 2021