Көліктің кез-келген түріндегі жану күтпеген жерден туындауы мүмкін және қайғылы салдарларға әкелуі мүмкін.
Атап кеткен жөн, автомобильді техникалық тексеру барысында көлік құралының жағдайы тексеріледі, бірақ электр жабдықтарын тексеру жүзеге асырылмайды. Дегенмен, автокөліктегі өрттің негізгі себебі электр сымдарының, қозғалтқыштың электр агрегаттарының қысқа тұйықталуы - жалпы санының 81,5% болып табылады.
Не сақтау керек:
1.Әрбір көлік құралы 2 литрден кем емес көлемде жарамды өрт сөндіргішпен жабдықталуы тиіс. Бұл ретте өрт сөндіргіштің құрылымын білу және оны пайдалана білу қажет. Көлік құралында өрт сөндіргіштің болмауы жол қозғалысы қауіпсіздігіне қатер төндіретін шарт болып саналады.
2.Қозғалтқышты және автомобильдің басқа да агрегаттарын ашық отпен, қолдан жасалған жылыту құралдарымен, соның ішінде ашық жылыту элементтерімен жылытуға тыйым салынады. Электр сақтағыштардың жарамдылығын, электр сымдарының бүтіндігін үнемі тексеру қажет. Барлық сақтандырғыштар стандарттарға және номиналды токқа сәйкес болуы тиіс. Электр сымында жалаңаш орын болмауы тиіс, ал оның жалғанатын орны ұшқын пайда болу және қыздыру мүмкіндігін болдырмауы тиіс.
3.Отын беру жүйесінің бүтіндігін тексеру (отынның ағуы немесе газдың ағуы бар ма). Ағулар анықталған жағдайда шұғыл түрде оларды жою шараларын қабылдау.
4.Автокөлік құралына жөндеу жүргізу кезінде темекі шегуге және ашық отты (сіріңке, алау, тұтандырғыш) пайдалануға жол бермеу.
5.Шығару коллекторын оған тез тұтанатын элементтер (қағаз, сүрткіш шүберек, жанар-жағармай материалдары және т.б.) түспеуін қадағалау қажет.
Автокөліктерді газдандыру үшін қайта жабдықтауды тек мамандандырылған ТҚС-да жүргізу қажет. Бакта немесе цистернада отынның болуын ашық от (тұтанған сіріңке, тұтандырғыш және т.б.) көмегімен тексеруге болмайды.
Егер автомобиль қозғалыс кезінде жанған жағдайда:
- көлік құралын дереу тоқтату және қозғалтқышты сөндіру;
- өртке қарсы қызметті 101 немесе 112 нөмірі бойынша шақыру;
- клемманы аккумулятордан алып тастау (газдандырылған жағдайда – магистральдық және баллонды вентильдерді жабу);
- жолаушыларды эвакуациялауға шаралар қабылдау және алғашқы өрт сөндіру құралдарымен сөндіруге кірісу қажет.