Жылыту маусымында өрт қауіпсіздігін қамтамасыз ету.

Қарағанды қаласы Пришахтинск тұрғын үй секторында ТЖД қызметкерлері, Полиция департаменті және Қарағанды жоғары политехникалық колледжінің студенттері бірлесіп, халыққа өрт қауіпсіздігі ережелерін түсіндіру бойынша профилактикалық рейдтік іс-шаралар өткізді. Сондай-ақ, осы аумақта орналасқан жанармай құю бекеттері мен газ құю станцияларының қызметкерлерімен нұсқаулық жұмыстар жүргізілді.

Іс-шараның басты мақсаты – жылыту маусымында өрт қауіпсіздігі ережелерін сақтау туралы халықты ақпараттандыру болды. Бұл кезеңде жылыту құралдарын пайдалану салдарынан өрт санының артуы жиі байқалады.

Рейд барысында тұрғындармен түсіндірме әңгімелер жүргізілді. Оларда пештердің, түтін мұржаларының жағдайын үнемі тексеріп отыру, электр құрылғылары мен жылыту жүйелерін пайдалану кезінде сақтық таныту сияқты қарапайым қауіпсіздік ережелерін сақтау қажеттілігі еске салынды.

Өрттің алдын алу мақсатында 34 694 тұрғын үй және 65 180 адам қамтылды. Халықпен 370 жиын өткізіліп, оған 7 041 адам қатысты.

«Оттан сақ бол», «Сіріңке – бір өмірдің құны», «Қауіпсіз пеш», «Таза түтін мұржасы» акциялары және «Сіздің үйіңіздің қауіпсіздігі» атты кең ауқымды акциясы өткізілді.

«Құрметті Қарағанды облысының тұрғындары мен қонақтары! Қарағанды облысы ТЖД барлық азаматтарды өрт қауіпсіздігі ережелерін сақтауға және оларды елемеуге шақырады! Сіздің өміріңіз – өз қолыңызда!» – деп Мемлекеттік өрт бақылау басқармасының басшысы Нұрлан Жақыпбаев атап өтті.

Қарағанды облысы ТЖД баспасөз қызметі