Қарағанды облысында екі балықшы құтқарылды.

Бүгін Балқаш көлінің жағасынан 22 шақырым солтүстік-шығыс бағытта қайықтың ақаулығынан екі балықшы өз бетінше жағаға жете алмады.
Жедел құтқару жасағының құтқарушылары көрсетілген координаттар бойынша дереу шықты.
Құтқарушылардың жедел әрекеттерінің арқасында құтқарылған балықшылар жағаға жеткізілді. Медициналық көмек қажет болмады.

ТЖМ азаматтарды табиғатқа шығу кезінде, әсіресе қолайсыз ауа райы жағдайларында сақтық шараларын сақтауға шақырады.

Қарағанды облысы ТЖД баспасөз қызметі